1 Tamuwen 11:6 - Ala Wone Peenok Peebi Mbanak

⁶ Yoreegwaarak nogo at Tawun aruk konembunuk, Ala Aberiniki omaawi oba age nagagerik, anini ambik kani kunik negen age logonet,

1 Tamuwen 11:6 Iomraidhean Croise

Wundeegwaarak 32:19

Yoge nagagerik, at Muta nogo aakumi inawooliya wurik me koorok panggo yi wambi wage nagagerik, tapi aagaluk ogut ogobakkigirik nogo inom, aakumi apit kwirabik-kwirabok yogwe nogo inom, iige nagagerik, anini ambik a'nuk, ineraaket nen yugum paga liiru mbanak eenggime wonage nogo, puut abu'me taati aret yigirik-noonom eerogo nappereegerak.

Linggineegwaarak 12:3

Aakumi nggween paga menggaarak abok aret inenggela'me nen aap iniki yanggonak lombok wonagagerak ti, at Muta alik aret o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Epetut 4:26

Kinanini nen maluk eeriyak ti mage o. Ndi, kinanini wungge kagak oonegen kilu yi noorak ti mage mban.

Owak Loongga 11:29

Mbo pege mbareegi, at Aliku ALA Aberiniki nogo Yepata oba age mbareegi, o Nggileyat inom, aap Manate inanggween paga inom, tu ti paga nage nagagerik, o Nggileyat kota Mitapa paga nen nugwa aap Amon inanggween paga time nagagerak.

Owak Loongga 13:25

Oba pege kagak, o Tora Etitawon oolo o endage Makane-Ndan nogome wonage me, aa'nduk lombok eeriyak nogo at Aliku ALA Aberiniki nen inikime nggaganogo yoge nagagerak.

Owak Loongga 14:6

at Aliku ALA Aberiniki omaawi oba age kagak, kambin aagaluk ineenggi paga nibinik-ndelenak eerogo wako mengga kwak, at we eenggi paga singa nogo nibinik-ndelenak eerogo warogo pereegerak. Eerogo pege nagagerik, “Yogop eekirak o,” yinuk, agalo-ogoba yoroolik puk a'nuk,

Owak Loongga 15:14

Wonok, o Leki ari nogo mbareegwa, it aap Pilitin inale'nggen nen keekok agan wundi wogwe iigak, abera'lek me taa'nogo aret Aliku ALA Aberiniki omaawi at oba ari wage logonet, eenggi keele maarak nogo kani nen ligi awut ne ambit liingge nengge menggerak togo'nogo aret nggaru-nggaru ma'nagagerak.

Owak Loongga 3:10

Mippege nagagerik, it Iterali mendek inowak loongge logowak nduk, Aliku ALA Aberiniki at oba age mbareegi, aap Aram mendek inowe endagembogut Kutiyan-Iritiyayim imbirak wim eekwi iigak, Aliku ALA nen aap ti, O'niyen eenggime pege mbareegi, aap nogo tebenogo pereegerak.

Owak Loongga 6:34

Aliku ALA Aberiniki at Nggireyon oba age mbareegi, at Nggireyon nen it aakumi Abiyetet mendek kuwak ari wogwe iinok, inom wim eeri nawok nduk, oone nggwok eeka trompet nogo oone pu eeke nagagerik,

1 Tamuwen 10:6

ne ti eyom paga at Aliku ALA Aberiniki omaawi koba age mbaremenggi, Ala wone it agan wogwe nogo kinom ari, ndi, kobaabut aap alik mendek negen age, eerumunggun o.

1 Tamuwen 16:13

Yoge mbareegi, at Tamuwen nogo mi'na'nuk, eyo tayitun amburu toolak nogo wagangge nagagerik, oweewi inenggaanom paga at Ndawut nogo anobak paga amburu kilippereegerak. Kilippege mbareegi, ti eyom paga aret at Aliku ALA Aberiniki omaawi Ndawut oba agagerak mondok-mondok wonage kagak, at Tamuwen nogo iyokan o Arama aret wagagerak.

1 Tamuwen 16:14

At Aliku ALA Aberiniki Tawun oba wonagagerak nogo tayo ari kagak, kugi maluk mendek nen piyakkage logowak nduk, Aliku Ala nen oba nappi wagagerak.