1 Tamuwen 10:27 - Ala Wone Peenok Peebi Mbanak

²⁷ Nogwe iigak kwe, it ndugwi iyak wuka nogo mendek nen yogo logonet, “Aap ninake leenogo mippegaarak yi, ninarum op aret logogin mbakop? Ha!” yinuk, miyuk-meya eerogo pogo logonet, yi mendek ndi mendek ambi abu wogorulik mbo pereegwaarak. Togop eekwi iigak kwe, at Tawun nogo aruk logu mbakak oone lek puk agagerak.

1 Tamuwen 10:27 Iomraidhean Croise

2 Tamuwen 20:1

Ti eekwi eyom paga aap Mbeniyamin mendek Mbikiri aput ndugwi iyak wuka endage Teba, time wonage me, at nen oone nggwok eeka trompet nogo, oone pu eeke nagagerik, wone ari logonet, “At Ndawut nen nit ambi eeppinangge, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nanip o.”

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

1 Endagembogut 10:25

Ndi, pekka wogo logonet, inalitik-inalitak yi mendek ndi mendek mbuti emas paga ogobakkigirik inom, perak paga ogobakkigirik inom, yum nggorek abe inom, yigin inom, yi mendek ndi mendek ombat abe eeka mendek inom, kuda inom, kuda kwak bagal inom, yi tahun ndi tahun onggo lek we aret Talomo wogori wagak eeko nogogwaarak.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

1 Endagembogut 5:1

It aakumi o Tirut mendek inowe endagembogut Kiram nen Ndawut imbirak iniki kunik wonagagerak me, “At Talomo nogo ogoba Ndawut obaane'me endagembogut logowak nduk, amburu eerogo mippegaarak o,” yogwe nogo aruk konengge nagagerik, awuri inom eeko menggaarak nogo, Talomo wonage me nappiya wagagerak.

2 Mbinineegwaarak 13:7

aap iniki lek a'nggan wogonaka inom a'nuk, aap Talomo aput Erekabeyam awo tawe me iniki kwippunuk ko wakak yuurak meek kenok, Kat ninowe endagembogut logorak lek o, yinuk, inom ogookkologogwaarak.

2 Mbinineegwaarak 17:5

Togop aret eeke nagagerak me, at abu'me piinok wone lengganogo yorage menggim Aliku ALA nen omaawi eerogo pege mbareegi, it Yekura mendek abok aret yi mendek ndi mendek at Yotapat ake we aret iri wogo nogogwaarak me, at eenggi warak lombok age, ayuk warak age, eereegerak.

Ndawi 38:13

Aap aruk logu kwak naruk konengga'lek wonage, Aap iniki apit kwak noone yaga'lek wonage, Eeke agarik o.

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Wone Alom Kibingga 7:21

Kat lombok nen aap alik kugi pulunogo piige nagagindak nogo kat abu keenu me, “Lek o! Kayeloman nen kugi pulunogo pagagerak o,” yogwe nogo karuk konenukwak, Yi wone ndi wone agan nugwi nogo liippuurak mage o.

Yetaya 36:21

Yoragagerak kwe, at endagembogut Kitikiya nen, “Wone onggo yoriyak ti, mage o,” yinuk, apuri yoragagerak me, it aakumi abok aret inoone ambiriluk ambi yoga'lek puk aret wonogogwaarak.

Matiyut 2:11

Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Nappiigak 7:35

Ninarum logonet, nit eekwi amburu mbangge logorak, ta nen mippagarak o? yinuk, Nineebi, yogo nogogwaarak nogo ti, at Muta aret. It Iterali inowe inarum logonet, inagap ndaruwak nduk eyoongga alokwi paga kani wunuk ari me malayikat nen yoreegerak paga Ala nen nappi wagagerak nogo ti, at Muta aret o.

Pelaareegerak 13:13

it aap maluk mendek kinenggela'me nen mi'nogo logomenggaarik, it ando yorogo logonet, Ala obaane'me kugi kineenggo'lek mendek ninom eeri nawok o, yorogo logonet, it aakumi ti nomoniren naga o, yogwe nogo kinaruk konenggwi kiinok,

1 Tamuwen 11:12

Mbaganit nogwe iigak, it aakumi Iterali mendek nogo nen Tamuwen yogwi, “At Tawun ninowe endagembogut logonet, ninarum logorak op mbakop? yagaarak nogo taani o? Nit nen inooruwok nduk, waganogo wo'niret o.”

1 Tamuwen 11:13

Yoreegwaarak kwe, at Tawun nen ari logonet, “At Aliku ALA nen o yogondak kit aakumi Iterali mendek kinagap ndakerak me, ne yi paga aap ambit-ambi wariyak abu mage o,” yoragagerak.

1 Tamuwen 16:20

at Itayi nen oroti inom, ndomba agabolo paga yiiwak ogobakkigirik me, anggur amburu toolak inom, kambin aagaluk ambi inom, keledai amborowak paga pege nagagerik, apuluk Ndawut nen Tawun wogori nawak nduk, nappi wagagerak.

1 Tamuwen 2:12

At Eli apuri nen Aliku ALA inagabiti mbaka'lek inobaabut abu maluk lombok aret wonogogwaarak.

1 Tamuwen 25:17

Nano eeruwi o? At ninogoba yi, amiya maluk ogogumbuk me, nit ninogoba ninom monggoorak nogo, ninom maluk ninoba age kero, kat ninagalo ninake ngge eeriyak kiniki koonu o,” yinuk, yoreegerak.