1 Tamuwen 1:27 - Ala Wone Peenok Peebi Mbanak

²⁷ Aliku ALA nen an naagaluk wo'niriyak nduk nggino yoreegirak a'me lik togon wo'negerak nogo wulaga yi aret o.

1 Tamuwen 1:27 Iomraidhean Croise

1 Mbinineegwaarak 4:10

At Yabet nogo nen Iterali inogoba Ala yoge, “Kale'nggen noba panege logonet, nanggween ambe wigarogon wo'nege, aaninggin noba kwi'nage logonet, andi-pandi ee'nake kero, keenggi nggorek paga noba'nake, narum wonage, eeke logot o,” yinuk, tamban eeke mbareegi, nggino yoreegerak nogo at Ala nen ndak-ndak aret eeppereegerak.

Ndawi 118:5

An nonggop eerubok ee'nake kenok, “Yeenggwa niru o,” yinuk, Noone nggwok paga Aliku ALA yoge neenok, At aruk konembunuk wondet eerogo panegerak o.

Ndawi 120:1

An aaninggin noba age kenok, Noone nggwok paga Aliku ALA yoge neenok, At nen yeenggwa nege menggerak o.

Ndawi 6:9

Aliku ALA nen nabuwa mbaruwak nduk, noone nggwok paga yoge nogo konengge, An tamban eeke nogo, at Aliku ALA liippanege, Eekerak me,

Linggineegwaarak 6:8

Ala ake leenak logorak kumbuk mbanemenggerak nogo kuli ari naga'lek kagak Naliku ALA nake aret leenak logowak o.

Matiyut 7:7

Yorage nagagerik, ambinom yorage logonet, “It aakumi nggino yorogwe iinok, wogorogwe, kwaakwi iinok, kwaakkologwe, Tu paa'niyet, yorogwe iinok, paariigwi, eeko menggaarak me, nggino yogwi kiinok, wokkirage, kwaakwi kiinok, kwaakkirage, Tu paa'niyet o, yogwi kiinok, paakkiige, eeke kaabagip nduk, kit nen nggino yogwi, kwaarit nugwi, Tu paa'niyet, yogwi, eeko logonip o.

1 Yaya 5:15

Nit nen at nggino yogwi nogo, at abet aret aruk konengge menggerak nineenu me, wo'niraawak nduk, nggino yogwi nogo ti, “Wo'niraagin aret,” mbako logowok o.

1 Tamuwen 2:20

Wogori wagak eeke kenok, at Eli nen Elakana akwe imbirak keyage warogo ale'nggen inoba piige logonet, aap Elakana nogo yoge, “Kakwe yi nen, Naagaluk wo'niriyak o, yinuk, Aliku ALA yoreegerak wogoge mbareegi, Aliku ALA wogoreegerak nogo obaane'me kapuri ambinom wokkege logogin o,” yorage kenok, at Elakana akwe imbirak iniyokan iname o Arama aret nogo nogogwaarak.