1 Tamuwen 1:22 - Ala Wone Peenok Peebi Mbanak

²² at Kana nogo nen ogonggelo Elakana yoge, “Peebi Tamuwen yilak mbambunuk, at Ala alut eeko menggam awooliya wurik me time mondok-mondok logowak nduk, an nen Aliku ALA ake leenogo pi noorak me, yogondak ninom nagin lek o.”

1 Tamuwen 1:22 Iomraidhean Croise

Ndawi 110:4

At Aliku ALA nen ari logonet, “Aap Meliketerek eeke nagagerak nogo kwak, Kat an neebe unde logonet, Mondok-mondok nake eeke logomunggun o,” Yinuk, endage kunogo kumbuk mbaneegerak me, Oone alik arigin abu lek o.

Ndawi 23:6

Obeelom eeppanit nage, Nabuwa nen kiniki kunik ee'nabit nage, Abet aret eeke keegak, Kambi noorak kuli aret ari nagin o. Ndi, Kaliku ALA wonage menggenom nogome An mondok-mondok aret ye mbambatinuk logogin o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Wundeegwaarak 21:6

at ogoba nogo nen ayeloman nogo wonok Ala awi wurik me pi nage logomenggerik, tungga paga ilik, tu yinik ambe paga a, mippunuk, Mondok-mondok nayeloman logomunggun o, yinuk, aruk pelenogo puwak o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Ala Unde 25:23

Yoge nagagerik, “Nggween ti, an Ala nanggween aret o. Ndi, it ti, aap nggiru negen luulu unde logowak nduk, wogoragagirak me, it nen nggween onggo nggerenggolagwaarik o.

Lukat 2:22

At endage toombogo nogogwaarik, “Kumi inaagalogwe ndaganakwi iinok, Nogo ndogop kuli yuwak o,” yinuk, wone yugu Muta nen liiru mbaneegerak nogo ndak-ndak, nogo yinuk, elege ninogoba Ala wogoruwok nduk, wonok o Yerutalem wogogwaarak.

Pelaareegerak 16:16

Kit Iterali kinenggela'me aap mban abok aret tahun ambit eerak ne kenagan, ambi laago Oroti Piika'lek kagak lakwi paga inom, ambi laago Anggen Mbanak Kuwak Eekwi paga inom, ambi laago Ooliya Wureegwaarak aberogo lakwi inom, at Aliku kinogoba Ala leenogo pemenggim enggaanom paga woraawak o. Ndi, wogo logonet, ineenggime lek we wogo logorak mage o.

Yotuwa 4:7

kit nen it yorogo logonet, Lek o. It aap Ala unde nen wone yugu Aliku ALA aloobut mbanak me yonggolak wonok inaa'nduk yi Yoraran wunda wogo mbareegwa, niyo mogonnagagerak paga nit aakumi Iterali apit aret wunda wogogurak kenok, mondok-mondok abeko logowok nduk, yugum logonak wonage, yorogo logomunggup o,” yinuk, yoragagerak.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:28

Togop me, wulaga yi, kangga'lek eenik wonage logonet, mondok-mondok Aliku ALA ake leenak logowak nduk, wogoriyak mbakirak me, an yogondak Aliku ALA aret wogogi o,” yinuk, yoge mbareegi, inendobanggun yindumbunuk, Ala endage alut eereegwaarak.

1 Tamuwen 13:13

Yoge mbareegi, at Tamuwen nen at Tawun yoge logonet, “Kat aap wirogon aret eekendak keegi o. At Aliku kogoba Ala nen wone lengganogo yokkegerak nogo aret liirogon ee'netak nen, aakumi Iterali inowe kendagembogut mondok-mondok inarum logonok nduk, koonogo paganetak kwe,

1 Tamuwen 2:11

Eeke mbareegi, at Elakana akuwi-apurilogwe inom o Arama iniyokan nogwe iigak kwe, at Tamuwen nogo perak, aap Ala unde Eli abu'me logonet, at Aliku ALA enggaanom paga eeke nagagerak.

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.

1 Tamuwen 28:2

Yoge mbareegi, at Ndawut nen, “Nambukwi paga mban an kayeloman eeke neyaamunggun o.” Yoge mbareegi, Akit nen onggo ari logonet, “Ti kenok, kat nen neebe narum mondok logonok nduk, mippagagi o,” yoreegerak.

1 Tamuwen 3:1

At wulaga Tamuwen nogo awo tawe kagak, Eli abu'me logonet, Aliku ALA eyabu eeke nagagerak. At eyabu eeke ti eyom paga at Aliku ALA nen oone paga inom, inabinggaanggo paga inom, ne ambiriluk mban yorage nagagerak.