1 Tamuwen 1:17 - Ala Wone Peenok Peebi Mbanak

¹⁷ Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”

1 Tamuwen 1:17 Iomraidhean Croise

Wakkagagerak 25:21

Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

2 Tamuwen 15:9

Yoge mbareegi, at Ndawut nen, “Op aret o. Kiniki ugun o Keboron nak o,” yoge mbareegi, aret nagagerak.

2 Endagembogut 5:19

Yoge mbareegi, at Elita nen at yoge, “Kat kiniki ugun aret nak o.” Yoreegerak awo nage kagak,

1 Mbinineegwaarak 4:10

At Yabet nogo nen Iterali inogoba Ala yoge, “Kale'nggen noba panege logonet, nanggween ambe wigarogon wo'nege, aaninggin noba kwi'nage logonet, andi-pandi ee'nake kero, keenggi nggorek paga noba'nake, narum wonage, eeke logot o,” yinuk, tamban eeke mbareegi, nggino yoreegerak nogo at Ala nen ndak-ndak aret eeppereegerak.

Marakut 5:34

Paganogo yoge mbareegi, at Yetut nen, “Nawuluk o! Kat kiniki noba panggombunuk abet nombakendak paga obeelom agan o. Andi eekkake nagaarak nogo muk lek agaarak me, kinikiigun kame nak o,” yoreegerak.

Lukat 7:50

Yogwe iigak, at Yetut nen kwe nogo yoge, “Kiniki noba panggombunuk abet nombakendak paga kagap ndakkolagandak me, kinikiigun kame nak o,” yinuk, yoreegerak.

Lukat 8:48

Yoge mbareegi, at Yetut nen, “Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.

Owak Loongga 18:6

Yogo mbareegwa, aap Ala unde nogo nen it yorage logonet, “Kit o kwaariyak nduk, wogotak nogo at Aliku ALA nen, Op aret kwaariyak, kinombake me, kiniki ugun tayenak aret nogo logonip o.”

1 Tamuwen 1:16

kayeloman an yi, Kwe yi maluk mendek nen ari o, yinuk, nombarugun o. An niniki aaninggin ndugu aago wonage kenok tamban eeke agarik o.”

1 Tamuwen 1:23

Yoge mbareegi, at Elakana nen akwe nogo yoge logonet, “Kat eeriyak op mbakendak ti aret eeru o.” Yoge nagagerik, “Yilak mbaniyak tokkage keegak, Aliku ALA nen yokkegerak nogo ndak-ndak aret aruwak o.” Yoge nagagerik, at akwe-apuri ando nogo inom wogwe iigak, at Kana nogo oome logonet, aagaluk elak wogoge nagagerak. Ndi, yilak mbaniyak eyom panggoni wage mbareegi, yilak mbaneegerak.

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 25:35

Yoge nagagerik, at kwe Abigayin nen yi mendek ndi mendek wonok wagagerak nogo, wagangge nagagerik, at yoge logonet, “Wone yo'negendak nogo konengge nagarik, abu aret waganggirak me, kagabiti mbaka'lek kiniki ugun aret kame nak o,” yoreegerak.

1 Tamuwen 29:7

it aap Pilitin mendek inendagembogut yi nogo, abunuk inanini kombarukwak, ambi mbaaniiga'lek kiniki ugun kame aret namunggun o.”