1 Peterut 4:3 - Ala Wone Peenok Peebi Mbanak

³ Kit aa'nduk kinobaabut it aakumi Ala wone konengga'lek nen eeriyak inikilom mba'nuk, eerit nogo mengga kwak, eerit nogo logonet, we ugun uugwe-uugwe mba'nuk eekwi, kiniki nen nengge kenok mugurok nugwi, amburu kumili aganake menggerak mendek ndonggorogon nenet nugwi, ndem unggwogo logonet kwaanggen wakwi, amburu ndonggok togon nenok kumili-kumili agan nogo logonet maluk eekwi, ogole warak kagak kugi eekwi, eeko nogogutak nogo, yogondak ambinom eeka'lek kiinok,

1 Peterut 4:3 Iomraidhean Croise

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

1 Endagembogut 21:26

At obaabut maluk lombok eekulik mendek eerit nage logonet, Aliku ALA nen Iterali inaame aa'nduk a'nuk aakumi Amori mendek wumbiyareegerak inagugiwak tiyappit nogo nogogwaarak nogo ndak-ndak, agugiwak tiyappit nage kenok, eeppuurak yoreegerak.

2 Mbinineegwaarak 15:8

Ala Aberiniki nen aap Oret aput Atariya yoge kagak yoragagerak wone nogo, at Ata konembunuk, iniki ogogumbuk eekkolage nagagerik, o Yekura inom, o Mbeniyamin inom, o Eparayim puut nggelok-nggobok tebenggolagagim kota-kota inom, abok aret kugiwak ogole warak nogo mbo nappunuk, Aliku ALA ake warogo wogogo nogogwam at awi wurik eraanu wone mbanggo nogogwam enaame wonagagerak nogo ogobakkigirogo pereegerak.

Yetaya 28:7

Anggur amburu nenok langgok-panggok nugwi, Niyo omaawi mendek nenok nombok-kombok agan nugwi, Eekwi nogo ti, It aap Ala unde inom, Ala nen yorage kagak yoraga inom, nen eekwi nogo ti aret! It nogo ti, niyo omaawi mendek nenok langgok-panggok nugwi, Anggur amburu nenok inoone ugun-ugun agan nugwi, Niyo omaawi mendek nenok, nombok-kombok nugwi, Inabinggaanggo kogo nagaatik, “Ngge kagi?” yinuk, kobak ogwe, Inowak loonggo logonet, “Wone ngge yoroobok?” age, Eeko logonet,

Yetaya 5:11

Togop me, it o kuubondendok ineenik a'nuk amburu kumili aganaka nawok nduk, kwaarit nogo nagaatik, Kwaappunuk, nunggwi tit iigak, oonikiya ari nage paga kumili aganake nogo inabuwa o!

Yeremiya 16:11

kat nen it yorage logonet, At Aliku ALA nen, It inombomini an mbo paninuk, an wonage neegak kugi mugurok nogo logonet inake eekwi, inayuk wukwi, eeko nogogwaarak paga aaninggin inoba kwippiyaagin, yegerak, yoraamunggun o. Ndi, it an mbo panugwi, eeko logorak yorage nagagirak nogo eeka'lek teppugwi, eeko nogogwaarak ti abet aret kwe,

Yeremiya 16:18

Inagugi ogut inoone yogolik ogole warak mendek an nanggween paga time pi unggwogogwaarak paga nanggween enete maluk eerogo pugwi, an neyate negen nanggween time eekulik mendek kagak eerit nugu logonet, o time inagugiwak mban yagabit eerogo pit nogwe, eekaarak paga inobaabut maluk lombok logonet, maluk eerit nugwi onggo aaninggin ne ambi inoba piinok, ne ambi inom aret nduguk togon inoba kwippiyaagin,” yegerak o.

Yetikiyen 44:6

Liippiinok, it wone yugu eeriyak ineebi mbaka Iterali mendek yorage logonet, At Aliku Itok Menggerak ALA nen yegerak nogo yi aret o. It Iterali mendek ti, ogole warak mendek eerit nugwi nogo, ti kuli aret teppuwak o.

Yetikiyen 45:9

At Aliku Itok Menggerak ALA nen yegerak nogo yi aret. “It Iterali inoweewi nagawan-nagawan nen an napuri eeppiinet nogwe ti, abu kuli aret o. Inogogumbuk logonet, aakumi maluk eeppiinet nugwi, tebenogo piinet nugwi, eekwi ti, mbo puwak o. Mbo punuk, obeelom mban eeppiinet nugwi, a'me nggelok mban eeppiinet nugwi, eeko logowak o. It an napuri inanggween unde eeppatinuk wonogwe me nen mugogo wumbiigwi ti, ambinom eerugwaarik o, yinuk, Naliku Nitok Minggirak an ALA nen aret yagi o.

Marakut 7:22

mbabi eekwi, aap inamendek uugwe-uugwe agan nugwi, maluk mban eekwi, inambokan laganggwi, iniki kumi paga mban lunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi,

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

1 Korindut 12:2

Kit aa'nduk, Ala wone konengga'lek wonogo logonet, kugiwak nebet-ndalok ariilik mendek kagak, “Ndogop yo'nirage kogo,” yinuk, mugurok nogo nogogutak nogo, kineenu aret o.

1 Korindut 6:11

Kit maan nen aap togop aret wonogogutak kwe, ninowe Yetut Keritut eereegerak paga ninogoba Ala Aberiniki nogo nen kinomaluk koorogo pinagage, Ala ake leenogo pinagage, ndi, “Aap yi, oba lek o,” yinuk, kiniki obeelom agago pinagage, eereegerak o.

2 Korindut 12:21

An kiya wage logominggirik, kit maluk abu alik negen eeko logonet, kumi ugun wurinabit nugwi, kiniki kumi paga mban lunik logonet, ugun-ugun eerit nogwe, kiniki nengge kenok, ugun eekwi, eekwi nogo paga kiniki wakkologo logomonggotik, kinomaluk mbo pega'lek kiinok, an kinabuwa nen le ari Ala aruk konembunuk, kit kinenggaanom paga nenggali wappanege kero, nagabiti o, noreewi.

Nggalatiya 5:19

Iniki maan mendek paga eeko menggaarak nogo yi o. Kumi ugun wurinabit nugwi, iniki kumi paga mban lunik logonet ugun-ugun aganabit nugwi, iniki nengge kenok mugurok nogwe,

Nggalatiya 5:21

neebi-keebi yogwe, amburu nenok kumili-kumili agan nugwi, kwaanggen wappunuk inoone amburu paga kumi ugun-ugun eeginabit nugwi, ti mendek abok aret it eerit nugwi iinok, at Ala abu'me piige menggim nogome unggwi nagun mondok lek aret o, yinuk, aa'nduk yokkiragagirak nogo aret yokkiragi o, noreewi.

Epetut 5:18

Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

1 Peterut 1:14

Kit aa'nduk Ala kineenggo'lek logonet, kiniki nen nengge kenok ugun-ugun eerit nogo nogogutak nogo, mbo punuk, ogoba ari kenok, aput konembunuk ndak-ndak eeke menggi kwak, kinogoba Ala nen ari kenok mban eerit nogo logonip o.