It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.
1 Peterut 1:2 - Ala Wone Peenok Peebi Mbanak2 At Yetut Keritut yereegerak wone nogo woppunuk ndak-ndak eekwi kiinok, at amiya paga kookkinake logowak nduk, at ninogoba Ala nen peebi eeko logorak abok aret koonogo pege menggerak me, maan kooneegerak nogo ndak-ndak, Aberiniki nen eeppinagage kagak kit at apuri kikak naka'lek ake leenak logobagip nduk, miikkinabeegerak me, at Ala iniki kunik nen wokkirage, kiniki ugun tayenak ale'nggen logobagip nduk eeppinagage, eeke nogo, ambinom eeppinagagak mban eeke logowak o. Faic an caibideil |
1 Peterut 1:2
53 Iomraidhean Croise
“Kit yi aakumi ndi aakumi inom, aakumi kinanebunu lombok inom, kinoone alitak yogo monggotak inom, kit o nggween paga wonogwe nogo abok aret, Wa! yokkiragi o. Kit eerit nogwe paga kinale'nggen mban mbarit wundi wogo logomunggup o. An kinowe nendagembogut Nebukanetat nen ineenu agak inom, eerubok mendek iya tit inom, at Tiyanak Lombok Menggerak Ala nen eeke kagagirak nogo nale'nggen nen yokkira o.
Piigo mbareegwa, at aap endagembogut Ndariyut nogo nen yi aakumi ndi aakumi inom, yi o ndi o aakumi inanebunu lombok inom, inoone alitak inom, it o nggween paga wonogwe abok aret liiru mbanogo nappiinet nagagerak nogo yi aret. “Napuri wa! Kit eerit nogwe paga kinale'nggen nggwok mbarit wundi wogo logomunggup o.
It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.
It ando we piliret, Keritut nogo an aret o, ndi, Ala nen yo'nege kagak yoraga mendek ti, an aret o, yinuk, agan wogo logomenggaarik, It aakumi Ala apuri miirogo leeninabeegerak nogo nomoninaburak op kaamun ilik? yinuk, nomoninabuwok nduk, inagabiti warak mendek inom, eerubok mendek inom, eekwi iigak aret kwe,
Ninowe Yetut Keritut eereegerak paga, Ala iniki kunik en eeppanege kagak, it yi aakumi ndi aakumi abok aret iniki abet mba'nuk obeelom wone liirogon woppunuk, eeko logowak nduk yoranet nage, Yetut Keritut endage nggwok aruwak nduk, tiyappit nage, eeke logokit nduk, an neyabu nappiigak mendek agago paneegerak.
It aakumi Iterali nogo nen “Obeelom wone woorak, nineebi o,” mbako mbareegwa, Ala inom ogoorak wonage paga kit endekem konenggulik mendek obeelom wone aret waganggo ogotik kwe, Ala nen Iterali miirinake nagagerik, it aap Abarakam inom, Itak inom, Yakup inom, eeppiyoorak wone abok yoragagerak nogo paga nen perak, inom iniki kunik wonage agaarik o.
Kit obeelom wone woppunuk, mondok ndak-ndak eerit nogwe nogo it aakumi abok nen konenggaarak me, kit eekwi ti paga niniki ale'nggen ambik ee'nake kwe, “It iniki warak a'nuk, maluk eeriyak wone nogo kobak eerogo punuk, obeelom eeriyak wone kenok mban eerit nogo logowak,” kinomba'nuk, yokkirage agarik o.
Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.
At Ala mban ninenggaawak paga logonet, it abe wone taganogo punuk inoone we ugun agan nugwi nogo inoone lek eerogo piigwi, “Ala wone mban kineenu a'nuk logorak ti meek o. Ata, yi wone ndi wone abok aret kineenu ariyak perak op o,” yinuk, wogoppatit nugwi nogo tebenogo piigwi, ndi, nit niniki mba'nuk eeriyak koonit nugwi nogo tebenogo punuk, Keritut yo'nirage kenok mban eekwi, eerit nogo ogoorik o.
Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,
Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.
Naput Titut wae. Nit abok wone abet mbakwi nogo paga naput abe kat aret me, it aakumi Ala nen miirinabeegerak iniki abet mbakwi wone nogo wigangge, ndi, Ala ari menggerak wone nogo liippunuk, Ala apuri nen eeko mengga kwak eekwi, eeruwak nduk, an Pawulut Ala ayeloman Yetut Keritut ayonggo nappiigak mendek agago paneegerak nogo nen aret yokkiri o. At pilit ariilik abet mban ari menggerak Ala nogo nen, “Mondok-mondok ineenik logogun o,” yinuk, o yi wakkaga'lek kagak, koonogo pereegerak nogo, ee'ninabuwak nduk, niniki lunik wonogwe nogo ti, nit abet mbakwi, Ala ari menggerak nineenu ogwe, eekwi nogo paga panggonak wonage agaarik o. Niniki lunik wone ti, maan togon koonogo pereegerak kwe, “Ndiyom paga kin arigin,” mbareegerak nogo ninagap ndaka Ala nen, “At yorage logowak o,” yinuk, an yogondak abe wone yorage logokit nduk, unde eeppaneegerak nogo aret yorage neegak, nineenik ee'ninaburak wone ti inom yorage paga kenom aga o. Ninogoba Ala ninagap ndaka Keritut Yetut imbirak iniki kunik nen wokkugwi, kiniki ugun tayenak ale'nggen logonok nduk, eeppagagwi, eeko logogun o.
ndi, Ala ninom lambuniyak nduk, wone ngget mendek koonogo ninake eeka Yetut nogo inom, time aret kuwak eerak wonogwe me, iya nogogutak negen aret wonogwe o. Kit Kaben amiya wambeegim ambi eeppinaniyak meek nogome nogogutak lek o. Ata, kit obeelom eekkinaburak Yetut amiya abe kilireegim nogome aret nogogutak me,
O maan mbogut-nggween wakkaga'lek kagak, at Ala nen, “An ogobakkigirogo piyaminggirak peebi maluk eerugun neenu aret me, inake Keritut aret leenogo pikit o,” yinuk, leenogo pereegerak kote kumaarak wonagagerak kwe, yogondak irip paga yi aret, at Keritut eereegerak paga nit niniki Ala oba panggombunuk abet mbakwi nogo, ninake aret kin eeppereegerak me, niniki at oba panggombunuk, abet mbakwi, niniki lunik wonogwe, eekwi ti, at Keritut kambunuk nogo menggam nen eenik agago mippege nagagerik, tiyappereegerak Ala eebe nogo aret o.
“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.
kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.
Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.
Sanasan