Lukas 9:51 - ALLAH ANE WENW KET MEKE WAROGO WOKNINAKHIKHE WENE

⁵¹ Itithogon yogeisasikhesik nen, at Yesus ebe Allah nen pogot oba lia'usak arat horok asi ageikhemo, at akla nenat wene munini la'iluk, “O Yerusalem usagein o,” iluk holak waganhikhe.

Lukas 9:51 Iomraidhean Croise

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 12:50

Akhuni yoma ima usa'isiliogei hak, an yi aik ti aik hagatnabugun meke re, aban werek korlek, nakla weak motok welagei.

Lukas 13:22

Itithogon yogeisasikhesik nen, yabokane at Yesus o Yerusalem usekhe dogolik, o ukul kokma ukigik, 'bugurlagatma ukigik, wene yakulisilik usasikhe.

Lukas 17:11

Yabokane iniki ageikhe baga, at Yesus o Yerusalem usekhe dogolik, o Samaria usakhigik, o Galilea liakhigik, turlemke usasikhe.

Lukas 18:31

At Yesus wene itithogon yogeisasikhesik nen, agarumi inebe 12 oba emenogo wogosik, inasokne ponhogo lageikhesik men yogeisasikhe, “Nagarumi. Nit yogotak o Yerusalem usa lago. Nen, arat usa lalokma nen, it ap alep Allah ane yogeisekhe lagoukha meke emenogo nen, an abat itaklasi agagi etnogo yabokane hagatnabugun meke holal waganogo 'bisukha meke tak-tagat hagatnabugun o.

Lukas 19:11

At Yesus nen itithogon yogeisasikhesik, inasuk holek werek korlegat, o Yerusalem arat horokhogon asi lagoukhasik nen, ti akhuni emenogo inakla nen men apasukha, “Allah nen apma 'bisagein iti yogotak yaat 'binanhunem ninileken hugun o,” iluk inakla apasukha iti nen, at Yesus nen wene ageikhe oba lisogon men yogeisasikhe,

Lukas 19:28

Wene itithogon arat yogeisasikhesik nen, akhuni emenogo aban werek korlek, at Yesus ebe alebageik o Yerusalem dageisikhe.

Lukas 24:51

Itithogon heagei warinakhe korlek eranogoat, it eta werek korlek, Allah nen, at ebe lekhogon pogot oba wolok dageisikhe.

Lukas 9:57

At Yesus agarumi inom holak oba lagunem, at ap ageikhe nen Yesus yogokhe dogolik, men yogokhikhe, “Noe! Hat komake lagan halok he, an hoporlik motok nekhe dogogin o,” iluk yogokhikhe.

Yohanes 13:1

Nen, hubenke pesta Paskah etnogo nuogoluk dogolik, at Yesus nen, o agat oba yoma thogotdiluk opase baga apuke dageigin etnogo arat horok asi ageikhemo ilu welageikhe. Nen, at ekaerek agarumi agat oba meke etaiken hunik motok welageikhesik nen, yabokane inebe a'it ageidegat ilugun hurli baga etaiken hunik motogat welageikhe.

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 16:5

yabokane, at an nebe la'ani ageikhe meke etnogo oba ligin meke re, hit aperek nen, Noe. Hat o koma ligin, iluk noba hinok wokneekhe lagap motok dek o.

Yohanes 17:11

Yogotak an nen, agat oba yoma erapik dogogin dek o. Hat 'bikheasigin mekeat he, it anek, agat oba yoma dogogun o. Hat weak hagakhidek karelek motok welagatek meke, nopase. Nit nipisak ninebe opakiat welagorek etnogo hak, it itithogonat inebe opakiat dogoak nen, hat hetaga kok meke an thalnakhigin iti baga, it hagasik dogono o, nopase.

Yohanes 6:62

An abat itaklasi agagi etnogo alebat welagagimo yabokane napuke dageisinem hinileken nealok nen, hinakla nikithogon apagun.

La'isasikhe 1:2

at opase nen ebe pogot oba wolok dageisikhe iti hurli, holal waganogo la'i agagi iti o. At ebe pogot oba aban dageigidek werek korlek, at agarumi wenago inebe inayoko 'biluk la'isagaluk hagakhikhe meke emenogo Allah Agoreke obatne baga inasuk wakhikhe.

La'isasikhe 1:9

Wene itithogon arat yogeisasikhemo nen, Allah nen at ebe pogot oba wolok dageisinem, inileken werek korlegat oisa nen thebelhikhemo, inileken yabokane higidek.

Filipi 3:14

Kristus Yesus nipisak hunik werekma, at Allah nen nayoko 'bekhe dogolik, “Hano meke pogot oba meke wokhesigin,” iluk abok yoknikhikhemo, ebe horla lagaluk, tha ae 'busak tha ae 'busuk pirlirli lageikharek hak, nobatnerogon mutluk laga lagei.

1 Timotius 3:16

Wene iti, nit Allah apma dogolik eberogonat iluk apogorek wene limago welageikhe meke Allah nenat thelekmatdisikhemo, “Wene iti kok,” iluk pakhogon ekhe lago. Wene iti re, At Kristus ebe akhuniat winam ageikhe o. At Allah Agoreke nen, “At Kristus iti eberogonat,” iluk thelekmatdisikhe o. It malaikat Allah nen yoko usa'isa agarek meke inileken hasukhaat o. Agarumi nen at hagakhe lageikhe wene etnogo yi akhuni ti akhuni itikmanke meke yogeisilik lagoukha o. Akhuni o yi ai ti ai agat oba meke aperek doalegat nen, “At ebe eberogonat,” iluk inetaiken at oba hakotdisukha o. Allah nen pogot oba hogorakho motok welageikharekma lia'isikhemo welagarek o. Wene iti re, at Allah nenat thelekmatdisikhemo pakhogon ekhe lago o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.