Lukas 9:5 - ALLAH ANE WENW KET MEKE WAROGO WOKNINAKHIKHE WENE

⁵ Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

Lukas 9:5 Iomraidhean Croise

Matius 10:18

Itithogon hagathinabugun iti, erlo an nebe hasigat, ap inetagapogot meke inom, ap koktek meke inom, inoba wokhisik lagunem, hit nen it ap iti inil oba an hagakhunem hinileken neekhe lagap meke etnogo pakhogon it yogeisigik, akhuni itikmanke meke yogeisigik, yogeisoagaluk hano iluk iti bagaat hinitema waganugun etnaga o.

Markus 6:11

It akhuni o ageikhe nen hinebe wokhinakhik, hinane holhik, hagakhidek halok he, o iti nen dukhi aga dogolik, it o etoma meke inakla hutduagaluk, hinisok hola negen horogo 'biluk dukhitno,” iluk inasuk warogo la'isasikhe.

Markus 9:37

“Tha nen yekerek yi hakene meke opakiat ageikhe an nobasik waganhe halok he, an nebeat woknabigin o. Nen, tha nen an nebe woknabigin halok he, an nebe woknabigin 'buk. Nopase la'ani ageikhe meke etnogo ebeat waganigin o,” iluk yogeisasikhe.

Lukas 10:16

Itithogon yogeisalok nen, at agarumi ane waganhe lagoukha meke emenogo men yogeisasikhe, “It akhuni nen hit hinane holiogei halok he, an naneat holiogei o. Nen, Nina'it, iluk here'inagega halok he, anat here'anha o. Nen, an here'anha halok he, an la'ani ageikhe meke etnogo ebeat here'isega o,” iluk itithogon yogeisalok nen, la'isasikhe.

Lukas 5:14

Dek ageikhemo, at Yesus nen men yogokhikhe, “Hat nen, Yesus nen itithogon hagatnakhe, iluk akhuni aperek motok yogeisugun o. Ap Allah iteerek meke nen ileken heoak nen, oba lalok, men hagatno. At Musa nen ekhe dogolik, Akhuni inoba hano atluk, Allah hasik itithogon 'bisausak, iluk isikhe etnogo tak-tagat, Noba henako hakene etnogo dek atluk hano agei, iluk, Allah hasik ageikhe 'bisasinem hutdaguak nen, ageikhe 'bisa lano,” iluk asuk warogo la'isikhe.

Lukas 9:4

Nen, hit o ageikhe lagunem, hanorogo wokhinakho halok he, etomaat dogoluk, o ninmo luogoluk halok, etoma nenat dukhitluk lano.

Lukas 9:48

it emenogo wene men yogeisasikhe, “Hit hinakerlekla yoma at etaga dek erlok dek meke itiat ebe kok etagapogot asigin iti nen, tha nen yekerek yi an nobasik waganhe halok he, an nebe woknabigin o. Nen, tha nen an woknakho halok he, at la'ani ageikhe meke etnogoat waganigin o,” iluk yogeisasikhe.

La'isasikhe 13:51

Ula'isasinem, it Paulus Barnabas ipisak nen, inakla eberek dogoagaluk, “Hinoba dopok,” iluk inisok hola horogo la'isalok nen, o Ikonium uki lagoukha.

La'isasikhe 18:6

Itithogon yogeisugunem, it nen, “Dek o. Weak ekhe lagan o,” iluk abok weak palhe lagoukhama, at Paulus etnogo nen, “An noba thelek o,” iluk u hak, asu itikmanke meke amumul hisalogo usa'isikhesik nen, men yogeisasikhe, “Hit hinekaerek nen nuk akegep halok he, hinoba dopok o. An noba dek o. Hurli yogotak hurli nen, an akhuni itikmanke meke wene yogeisa ligin o,” iluk yogeisasikhesik,