Lukas 9:48 - ALLAH ANE WENW KET MEKE WAROGO WOKNINAKHIKHE WENE

⁴⁸ it emenogo wene men yogeisasikhe, “Hit hinakerlekla yoma at etaga dek erlok dek meke itiat ebe kok etagapogot asigin iti nen, tha nen yekerek yi an nobasik waganhe halok he, an nebe woknabigin o. Nen, tha nen an woknakho halok he, at la'ani ageikhe meke etnogoat waganigin o,” iluk yogeisasikhe.

Lukas 9:48 Iomraidhean Croise

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Matius 18:14

Iti hakene hinopase pogot oba meke etnogo nen, Yekerugi 'bugurlaktek iti hakene opakiat ageikhe nalasi lausak motok a'it o, iluk akla apekherek,” iluk yogeisasikhe.

Matius 19:28

at Yesus nen, “At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o.

Matius 25:40

an ap kok Netagapogot nogo nen, it akhuni emenogo men yogeisagein, Hit nen an nagarumi inetaga dek meke ageikhe werekma itithogon hagarinakhe lagagip iti, anat hagatnakhe lagagip o, iluk, eberogonat yokhisigi, iluk yogeisagein.

Matius 25:45

an nen, Dek o. Hit nen akhuni ageikhe inetaga dek meke werekma hinobakhanini thogotdisekhe lagagip iti re, anat thogotdanhe lagagip o, iluk yogeisalok nen,

Markus 9:37

“Tha nen yekerek yi hakene meke opakiat ageikhe an nobasik waganhe halok he, an nebeat woknabigin o. Nen, tha nen an nebe woknabigin halok he, an nebe woknabigin 'buk. Nopase la'ani ageikhe meke etnogo ebeat waganigin o,” iluk yogeisasikhe.

Lukas 10:16

Itithogon yogeisalok nen, at agarumi ane waganhe lagoukha meke emenogo men yogeisasikhe, “It akhuni nen hit hinane holiogei halok he, an naneat holiogei o. Nen, Nina'it, iluk here'inagega halok he, anat here'anha o. Nen, an here'anha halok he, an la'ani ageikhe meke etnogo ebeat here'isega o,” iluk itithogon yogeisalok nen, la'isasikhe.

Lukas 22:26

hit nen, itithogon hagasusak motok dek o. Halok he, hit meke ageikhe nen, An netagawerek dogole, akla apasi halok, at iti hinagorat asuak o. Nen, An nen hagasik dogole, iluk apasi halok he, hinatuanekeat asuak o.

Lukas 7:28

Halok he, an nen wene ageikhe yi yokhisak. Akhuni tha'bokhogonat inagosa lak nen itaginabik wagoukha mekeat he, inetaga dek anek. Mekeat he, Yohanes iti anek etaga werek o. Meke re, Allah apma 'biskherekma etoma, at Yohanes etaga dek negen werek mekeat he, it akhuni aperek inetaga dek meke iti inetaga werek negenat o,” iluk yogeisasikhe.

Yohanes 13:20

“At tha nen, akhuni an nen la'isagein meke woginakhe halok, anat woknabigin o. Nen, at tha nen an woknakhe halok he, at an la'ani ageikhe meke etnogoat waganigin o, iluk eberogonat yokhisigi o,” iluk yogeisasikhe.

Yohanes 14:21

At tha nen, an nen, yigithogon hagakhe dogono, tigithogon hagakhe dogono, iluk yokhisigi meke iti, nane hologo hagakherek halok he, an nebe etaiken hunik meke at itiat o. Nen, nopase nen at iti etaiken hunigat o. Nen, an nen at iti netaiken hunik dogolik, nebe hutdanuagaluk yakulisigin o,” iluk yogeisasikhemo,

1 Tesalonika 4:8

Wene iti hit aperek nen here'isekhe lagap halok he, nit akhuni ninane meke here'isekhe lagap 'buk. Dek o. Allah nen Agoreke hit wokhisekherek meke etnogo ane mekeat here'isekhe lagap o.

1 Petrus 5:6

Itithogonat, Allah nen yabokane meldinaguagaluk, yogotak ya hinekaerek nen hogorakhigidek, at iki obatne werek meke apma ukiluk hinetaiken thebekhogon hagakhe dogono o.

A'bikaka 21:14

Nen, leget horlakoma leget halek iti, herlaga helekit ebe 12 obaatma, at Domba Eak nen inebe 12 obaat wenago inayoko 'biluk la'isasikhe meke emenogo inetaga holal waganek welaga higi.

A'bikaka 3:21

An arat nobatne agagimo, nopase kok welagarekma obolukmo nipisak welago yi hak, tha nen obatne asigin halok, an kok welagarekma nobolukmo nipisak dogouogoluk meldigin o,