Lukas 9:44 - ALLAH ANE WENW KET MEKE WAROGO WOKNINAKHIKHE WENE

⁴⁴ “An wene yokhisagein yi hanorogon hutdekhe dogoni o. An abat itaklasi agagi etnogo ap nen yoko lalok it aperek nen nasuagaluk iniki baga 'banugun o,” iluk yogeisasikhe meke re,

Lukas 9:44 Iomraidhean Croise

Matius 16:21

Hurli iti hurli nen, at Yesus nen agarumi ane waganhe lagoukha meke emenogo at yabokane hagasigin meke pakhogon men yogeisasikhe, “An o Yerusalem eloma lausak welagei o. Laumo it ap inarluetek emenogo men, Allah iteerek meke inougi koktek men, Allah ane holal waganek iteerek meke men, inom nen, yi aik ti aik doalegat hagatnabiluk nebe nasugun o. Nasumo nen, niki pere nebe warek dogoluk nen, niki ageikhe baga yi nen, Allah nen nilugutnabigin o,” iluk pakhogon yogeisasikhe.

Matius 26:2

“Niniki pere dogoluk nen pesta Paskah hagasugun iti hit hiniluat o. Itithogon hagakhe korlek, an abat itaklasi agagi etnogo, ap nen yoko lalok it aperek nen o baga meldaniluk nasuagaluk inikimo 'banugun o,” iluk yogeisasikhe.

Markus 8:31

At Yesus nen itithogon inasuk wakhikhesik wene yabokane ageikhe men yogeisasikhe, “An abat itaklasi agagi etnogo, it ap inarluetek men, Allah iteerek meke inougi koktek men, Allah ane holal waganek iteerek meke men, inom nen an nebe ina'it atluk yi aik ti aik doalegat hagatnabiluk, nebe nasugun o. Nasumo nebe niki pere warek dogoluk nen, niki ageikhe baga yi, niluk asigin o,” iluk

Lukas 1:66

Itithogon hagatlageikhemo inasuk holhukhasik, “Allah nen obatnerogon kogotdekhemo higi,” inileken halok, inakla ebekhe dogolik, “Yekerek werek yi arlue atluk, nikithogon hagatlasigin,” iluk ekhe lagoukha.

Lukas 18:31

At Yesus wene itithogon yogeisasikhesik nen, agarumi inebe 12 oba emenogo wogosik, inasokne ponhogo lageikhesik men yogeisasikhe, “Nagarumi. Nit yogotak o Yerusalem usa lago. Nen, arat usa lalokma nen, it ap alep Allah ane yogeisekhe lagoukha meke emenogo nen, an abat itaklasi agagi etnogo yabokane hagatnabugun meke holal waganogo 'bisukha meke tak-tagat hagatnabugun o.

Lukas 2:19

Meke re, at he Maria etnogo anek, wene isukha meke etnogo etaikenma waganhikhesik ebekho motok welageikhe.

Lukas 2:51

Itithogon iluk, at Yesus agosa opase inom o Nazaret dagei agoukhasik dogolik, at agosa opase inane hanorogon hologo hagakhe lageikhe. Nen, agosa nen, wene emenogo tha'bokhogon etaikenma waganhikhesik eberek motok welageikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

Lukas 9:22

Inasuk itithogon wakhikhesik nen, “An abat itaklasi agagi etnogo, it ap inarluetek inom, it ap Allah iteerek meke inougi koktek inom, it ap Allah ane holal waganek iteerek meke inom, an nebe ina'it atluk, yi aik ti aik doalegat hagatnabiluk, nebe nasugun o. Nasumo nen, nebe niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Yohanes 16:31

Itithogon yogosugun apasukha, at Yesus nen, “Yogotakne arat hutdanhep a?” iluk yogeisasikhe.

Yohanes 16:4

Itithogon hagathinakha halok, hinakla nen, Wene yi, at nen alebat yoknisasikhe etnogo, arat hagatninabiogei yi, iluk hinakla ebesubageik nen iluk, wene iti tha'bokhogonat yokhisigi o,” iluk yogeisasikhe. At Yesus nen wene itithogon yogeisasikhesik nen, yabokane ageikhe men yogeisasikhe, “An hit ninom yoma welago iti nen, wene yi tha'bokhogonat hit hinayoko 'bekhe dogolik yokhisigidek welagagi mekeat he,

Yohanes 19:11

at Yesus nen he, men yogokhikhe, “At Allah nen, Hat nen wene akhuni inoba 'bigik, kokhik, hagakhe dogono, iluk hat iteerek 'bageilep dekma, hat nen wene noba 'banusak erlok degat o. Iti nen he, Hat weak hagakhen, iluk wene hoba herlekha'bugat negen werek mekeat, at ageikhe nen an nebe waganogo hat hiki baga 'bani aga meke iti anek he, weak hagakhe, iluk wene kok negen oba werek o,” iluk yogokhikhemo,

La'isasikhe 2:23

Meke re, at Allah ilu dogolik, akla nen, Itithogon hagasuak o, iluk akla apasikhe bagaat, Yesus ebe hinikimo 'bisikhemo, hit nen ap inobabut weak meke iniki waganogo, at ebe o baga menogo 'biluk wakhepma iti.

Ibrani 2:1

Iti nenat, akhuni ku baga lagunem i nen wogosik lagarek iti hak, nit nen ebe wene iti here'umo werlekmake woknisik launogo iluk, wene ninasuk holhugu meke iti ninobatnerogon herogo dogouok o.