Lukas 9:43 - ALLAH ANE WENW KET MEKE WAROGO WOKNINAKHIKHE WENE

⁴³ Itithogon wogokhikhemo akhuni emenogo tha'bokhogonat inileken hasukhasik nen, “Allah obatneak iti nayuk e,” iluk hogorakhukha. It akhuni emenogo tha'bokhogonat, at Yesus nen yi hagakhik, ti hagakhik, hagakhe lageikhe meke emenogo hasik, “Eiye!” iluk, hogorakhe korlek, at nen at agarumi ane waganhe lagoukha meke emenogo men yogeisasikhe,

Lukas 9:43 Iomraidhean Croise

Matius 17:22

Yabokane, at Yesus agarumi inom o Galilea etoma natogokhukhasik dogolik, men yogeisasikhe, “An abat itaklasi agagi etnogo, ap nen yoko lalok it akhuni aperek iniki baga 'banumo,

Markus 6:51

Itithogon ane hageinabiluk nen ku baga inoba ukisikhemo, hisakne etnogo dek ageikhe. Dek ageikhemo, it nen, “Eiye. Nayuk o,” iluk motok hogorakhukha.

Lukas 18:43

iluk yogokhe korlek eranogoat, ileken puk meke etnogo hano ageikhesik, Yesus oporlik laga dogolik, Allah hogorarik lageikhe. Nen, it akhuni tha'bokhogonat emenogo Yesus nen hagakhikhe meke iti inileken hasukhasik nen, Allah hogorakhukhaat.

Lukas 4:36

Itithogon dukhisinem akhuni doalegat emenogo inayuk agoukhasik, it-it ekhe dogolik, men isukha, “At ane ekhe iti nikithogon. At nen mokat inobabut weak meke, Dukhi lani, iluk usagat iti iteerek dogolik, ane obatnerogon wenageisugunem dukhegarek iti nayuk o,” iluk hogorakhukha.

Lukas 5:26

Itithogon hagakhikhemo akhuni emenogo inebe tha'bokhogonat inobakha palatluk, inayuk motok agoukhasik nen, men isukha, “Ninileken yogotak hogo iti, motok ninat meke hogo. Nayuk e,” iluk Allah hogorakhukha.

Lukas 5:9

Ikan doalegat waganhukha iti nen, at Simon agarlak lak inom inayuk atluk itithogon yogokhikhe.

Lukas 8:25

Hapuk isikhemo, at Yesus nen agarumi emenogo men yogeisasikhe, “Hinetaiken noba hakotdiluk welagap meke etnogo, ka lagama nen ekhe lagap,” iluk, itithogon yogeisasikhemo it inayuk agoukhasik nen, it-it ekhe dogolik, “Eiye! Ap yi ebe tha apegep. Hisakne men, i hoklabu men, at ane baga, Dek asin, isinem, ane hologo dek aga iti nayuk o,” iluk hogorakhukha.

Lukas 9:42

Yogokhikhemo, yekerek etnogo Yesus oba aban wolok waga korlek eranogoat mokat obabut weak meke etnogo nen yekerek etnogo agat oba tunhogo usa'isinem, iki isok dik-dik hagakhikhe. Itithogon hagakhikhemo, at Yesus nen mokat obabut weak meke etnogo wenageikhikhesik, yekerek etnogo hano hagarogo opase wogokhikhe.

2 Petrus 1:16

Ninoe Etagapogot Yesus Kristus obatneak etnogo ebe wageikhe meke hasik hinilurogo yokhisekhe lago iti, wene suakane akhuni inakla kagalogo pilinekharek meke iti baga lisogon yokhisekhe lago dek o. At ebe Etagapogot meke wageikhemo, ninekaerek ninileken tomok hasugu meke nen yokhisekhe lago o.