Lukas 9:4 - ALLAH ANE WENW KET MEKE WAROGO WOKNINAKHIKHE WENE

⁴ Nen, hit o ageikhe lagunem, hanorogo wokhinakho halok he, etomaat dogoluk, o ninmo luogoluk halok, etoma nenat dukhitluk lano.

Lukas 9:4 Iomraidhean Croise

Matius 10:11

Nen, hit o ukul kokma, 'bugurlagatma, uki lagep halok he, tha nen heagei warogo hinebe wokhinakhe halok, at obabut paldiluk, at itiat hinom dogoluk o ninmo luogoluk halok he, dukhitluk lano.

Markus 6:10

“Akhuni inoba lalok, o ya ukigik, ta ukigik, ukekhe dogogup o. Ukugun oba etomaat dogoluk o ninmo luogoluk halok etoma nenat dukhitluk lano o.

Lukas 9:3

La'isekhe dogolik, men yogeisasikhe, “Hit he, yi meke ti meke holak lausak meke ageikhe motok wolok lagup o. Hinathegerluk men, hinasu yi meke ti meke wokhisugunem ukhasugun meke men, hipiri men, uang men, hinasu ikhasak meke peretek men, ageikhe motok wolok lagup o.

Lukas 9:5

Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

La'isasikhe 16:15

Wene itithogon waganhikhemo at ebe men, it akhuni at aila opakimo welagoukha meke men, ima usa'isasukha. Usa'isasukhama, at he Lidia nen, “An nobasik hit hinakla nen, At etaiken ninoe Etagapogot oba eberogonat hakotdekhe higi, iluk hinakla apegep halok he, an ninom dogouok nen, ninom luok o,” iluk ane obatnerogon yoknisasikhemo ninom lagagu.