Lukas 9:3 - ALLAH ANE WENW KET MEKE WAROGO WOKNINAKHIKHE WENE

³ La'isekhe dogolik, men yogeisasikhe, “Hit he, yi meke ti meke holak lausak meke ageikhe motok wolok lagup o. Hinathegerluk men, hinasu yi meke ti meke wokhisugunem ukhasugun meke men, hipiri men, uang men, hinasu ikhasak meke peretek men, ageikhe motok wolok lagup o.

Lukas 9:3 Iomraidhean Croise

Markus 6:7

Itithogon yakulisilik nekhe dogolik, ap inebe 12 nen emenogo waisasikhemo wagoukhama, inebe peretek dopokhigik la'isagaluk inayoko 'biluk, mokat inobabut weak meke akhuni inakla ukisukhasik werekma mukhogo ula'isilik loagaluk, at obatne wogeisasikhe.

Lukas 12:22

Itithogon yogeisalok, at agarumi ane waganhe lagoukha meke emenogo men yogeisasikhe, “An nen itithogon yokhisigi iti nen, hit hinakla nen, Niniluk dogouogoluk he, ninapiri ki meke nugun. Ninasu ki meke ikhe dogogun, iluk, hinelabut hisikhogon wene munini uan 'bero ebekhe dogunogo iluk yokhisigi o.

Lukas 12:28

Halok he, oka herleka o limo welagarek meke iti, yogotak hak, hano welagarethek nen, hubuluke hakene, hetumo hundisegarek mekeat, Allah nen inasu ikhasu hak eken motok hano hagarogo 'bisekherek iti hak, hit meneke hinasu i'binagagin dek nogo? Hinetaiken at oba hakotdiluk dogou'buk yi re!

Lukas 22:35

At Yesus nen itithogon yogokhikhesik nen, at Petrus agarlak lak ebetlake inom dapukhogon men yogeisasikhe, “An nen, hit hinauang eret inom, hinasuke inom, hinasepatu inom, wolok lagup o, iluk la'inagagi etnogo nen, hit yi meke ti meke erlok degat welagagip a?” ilukk yogeisasikhemo, it nen, men yogokhukha, “Dek o. Erlogat welagagu o,” iluk yogokhukhama

Lukas 3:11

at Yohanes nen, men yogeisasikhe, “Ap tha nen, inasu upu baga meke peretek werek halok he, at ageikhe asu dek meke ageikhe wogosusak o. Nen, hinapiri werek halok he, itithogonat yomageisausak o,” iluk yogeisasikhe.

Lukas 5:29

Lageikhesik nen, at aila yesus elokhoma thini kogat isakhikhe. Itithogon isakhikhesikmo, akhuni uang pemerintah hasik kino iluk waganhe lagoukha meke doalegat men, akhuni aperek men, at inom hureklatluk opakimo dapukhogon hipiri nasi lagoukha.

Lukas 9:4

Nen, hit o ageikhe lagunem, hanorogo wokhinakho halok he, etomaat dogoluk, o ninmo luogoluk halok, etoma nenat dukhitluk lano.

2 Timotius 2:4

It ap ekeraguntek iti, inougi koktek inakla arleken akhoagaluk, wim yakhe dogolik, yi meke ti meke uma werek meke oba ebekhidegat yakharek iti o.