Lukas 9:20 - ALLAH ANE WENW KET MEKE WAROGO WOKNINAKHIKHE WENE

²⁰ Itithogon yogokhukhama, at Yesus nen, men yogeisasikhe, “It nen itithogon iliogei meke re, hit yi anek, an nebe hasik tha ekhe lagap nogo,” iluk yogeisasikhemo at Petrus nen, men yogokhikhe, “Hat hebe Kristus, nit tilninabuagaluk Allah nen la'isigin iluk abok yoknisasikhe etnogoat o,” iluk yogokhikhemo,

Lukas 9:20 Iomraidhean Croise

Matius 22:42

men yogeisasikhe, “Hit hinakla nen, Kristus Allah nen ayoko 'biluk la'isigin isikhe etnogo, ebe tha apekhe lagap? Nen, opa tha nen itago meke apekhe lagap?” iluk yogeisasikhemo, it nen he, “At iti Daud nen itago mekeat o,” iluk yogokhukha.

Matius 26:63

at Yesus ane igidek thogotdisikhemo, at ap kok Allah iteerek meke etnogo nen he, “Allah a'but Kristus la'isigin isukha etnogo, ebe hat halok he, yoknisanok iluk, at Allah iluk motok welagarek meke etaga hupuk palogo yokhikhi o,” iluk yogokhikhemo,

Matius 5:47

Nen, hinerugi hinagarlak lak halok anek heagei warinakhe lagap halok he, hinobabut itithogon hit anek hagakhe lagap 'buk. It ap itikmanke meke inobabut itithogonat hagakharek dek a? Itithogon hagakharek o.

Markus 14:61

ane igidegat huk ageikhe. Huk ageikhemo yabokane it ap Allah iteerek meke inoe kok etnogo nen, wene ageikhe men yogokhikhe, “Allah hogorakhe lago meke nen a'but Kristus la'isigin isukha etnogo ebe harat a?” iluk hinok waganhikheat.

Markus 8:29

Itithogon yogokhukhama at nen, “It nen itithogon iliogei mekeat he, hit anek he, an nebe hasik, tha ekhe lagap nogo,” iluk yogeisasikhemo, at Petrus etnogo nen, “Hat hebe Kristus nit tilninabuagaluk Allah nen la'isigin iluk abok yoknisasikhe etnogoat o,” iluk isikhemo,

Lukas 22:67

it nen men yogokhukha, “Allah nen Kristus ayoko 'biluk la'isigin isikhe etnogo harat a? Hat halok he, yoknisan o,” iluk yogokhukhama, at Yesus nen, men yogeisasikhe, “An nen yokhisugunem he, eberogonat iluk hinakla hutdugun a?

Lukas 9:19

“It aperek nen, Yohanes ima usa'isekhe lageikhe meke etnogo igik, it aperek nen, Elia at o, igik, it aperek nen, It ap haganeat Allah ane yogeisekhe lagoukha meke emenogo meke ageikhe iluk agasik werek o, igik, iliogei o,” iluk yogokhukha.

Yohanes 1:41

Yesus oporlik lagoukhasik inom welagoukhasik nen, at Andreas iti tak oe Simon etnogo herarik lageikhesik, ipisak abuk agoukhasik nen, men yogokhikhe, “Mesias etnogo nit arat ninom abuk ago,” iluk yogokhikhe. (Mesias isukha iti, nit ninane baga Kristus Allah nen akhuni tilninabuagaluk la'isigin isikhe etnogo u hak, it inane baga Mesias egarek.)

Yohanes 1:49

at Natanael nen, men yogokhikhe, “Noe. Allah a'but nit Israel meke ninoe kok Hetagapogot harat hiigi o,” iluk yogokhikhe.

Yohanes 11:27

at Marta nen he, men yogokhikhe, “Noe. Hat hebe Allah a'but Kristus, Allah nen wenago meldiluk la'isigin isukha etnogo, harat iluk, hutdagagi o,” iluk yogokhikhe.

Yohanes 20:31

Itithogon meke re, holal waganek werek yi tha'bokhogonat, hit nen, Yesus iti Allah a'but, nit akhuni tilninabuagaluk wenago la'i ageikhe etnogo eberogonat, iluk hutdiluk hinetaiken at oba hakotdiluk, at etaga palhunem hiniluk dogobageik iluk, holal waganogo 'bigi o.

Yohanes 4:29

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.

Yohanes 4:42

he etnogo men yogokhukha, “Yogotak nit ninetaiken at oba hakotdogo yi, wene hat nen yoknisegen iti baga anek ninetaiken at oba hakotdogo 'buk. Dek o. At he, at ebe nen wene yoknisugunem ninekaerek nen ninasuk tomok holhik, Akhuni agat oba meke tha'bokhogonat tilinakherek meke ebe yiat o, iluk hutdiluk ninilu ageik, hagakho iti baga nen ninetaiken at oba hakotdogoat o,” iluk yogokhukha.

Yohanes 7:41

it aperek nen, “Dek o. Akhuni tilninabuagaluk Allah nen la'isigin isikhe etnogoat o,” iluk ekhe lagoukha mekeat, it aperek nen, men isukha, “Akhuni tilninabuagaluk Allah nen, la'isigin isikhe etnogo, o Galilea nen erlok wisusak nogo? Erlok dek o.

La'isasikhe 17:3

Allah ane holal waganek etnogo baga thelekmarogo yogeisekhe dogolik, men yogeisekhe lageikhe, “At Kristus Allah nen la'isigin iluk isukha etnogo, yi aik ti aik hilik hilik watlatluk nen, iluk asigin, iluk isukha. It isukha iti hagat, at Yesus hagakhikhe wene abok yokhisekhe lagei meke yi, hagasusak tak-tagat hagakhikhemo. Allah nen la'isigin iluk isukha iti, ebe Yesus itiat o,” iluk yogeisasikhe.

La'isasikhe 8:36

Yogorik motok holagarlem usekhe dogolik, i werekma usasukhasik, ap kok etnogo nen, “I werek yi 'bikhan. An ima usa'anusak apekhe lagei. E a? At he, ki meke aban welagei apegen,” iluk yogokhikhemo, [

La'isasikhe 9:22

Hogorakhe korlek, at Saulus nen, ane obatnerogonat inakla kagalhe dogolik, men yogeisekhe lageikhe, “Allah nen, Ap ageikhe tilhinabuagaluk la'isigin, iluk abok yoknisasikhe etnogo ebe Yesus itiat o,” iluk wene pakhogon yogeisugunem, eberogonat ageikhemo nen, it akhuni Yahudi meke o Damsyik welagoukha meke etoma nen oko nena u heat inobakha palaga lageikhe.

1 Yohanes 5:1

Akhuni nen he, “Yesus iti Allah nen ayoko 'biluk la'i ageikhe meke eberogonat Kristus etnogoat o,” iluk inetaiken at oba hakotdegarek meke inebe tomok he, Allah nen itaginakhemo, at a'buri werek o. Nen, nit ninopase Allah ninakmurogon dogolik halok he, at a'buri itago meke iti ninakmurogon dogosagat o.