Lukas 9:19 - ALLAH ANE WENW KET MEKE WAROGO WOKNINAKHIKHE WENE

¹⁹ “It aperek nen, Yohanes ima usa'isekhe lageikhe meke etnogo igik, it aperek nen, Elia at o, igik, it aperek nen, It ap haganeat Allah ane yogeisekhe lagoukha meke emenogo meke ageikhe iluk agasik werek o, igik, iliogei o,” iluk yogokhukha.

Lukas 9:19 Iomraidhean Croise

Matius 14:2

at agarumi men yogeisasikhe, “Yohanes ima usa'isekhe lageikhe meke ebe wakhima watlaga etnogo yabokane iluk agasik iti nen, hagasusak dek meke elalinat hagarik liliogo iti higi,” iluk ebe Yesus hagakhe lageikhe mekeat isikhe iti.

Matius 3:1

Itithogon hagakhukhasik oba nen, at Yohanes ima usa'isekhe lageikhe meke etnogo, o Yudea limo akhuni dekma etoma wageikhesik wene yakulisekhe dogolik, yigithogon ekhe lageikhe,

Markus 6:14

Yesus agarumi nen itithogon hagarinabik lagunem, at Yesus etaga akhuni o ya ta etoma inilu agoukhasik abok ugunem, at kok etagapogot Herodes asuk holhikheat. Itithogon hagakhunem it akhuni aperek nen men ekhe lagoukha, “Yohanes ima usa'inakhe lageikhe meke ebe wakhama watlaga etnogo iluk agasik waga higi. Itithogon iluk agasik iti nen hagasusak dek meke elalinat hagariogo iti,” igik,

Markus 6:15

nen, it aperek nen, “Dek o. Iti at Elia ebeat o,” igik, it aperek nen, “Dek o. It ap haganeat Allah ane yogeisekhe lagoukha meke nen yogeisekhe lagoukha hagat, yogeisilik liliogo iti, at ebe it iti meke ageikhe thelekma agasik liliogo,” igik, ebe Yesus mekeat itithogon ekhe lagoukha iti.

Lukas 9:18

Iniki ageikhe baga, Yesus arligat sembayan isinem, at agarumi ane waganhe lagoukha meke emenogo oba wagoukha. Wagoukhama, at nen hinok inoba waganhe dogolik, men yogeisasikhe, “Akhuni doalegat nen an nebe hasik nabok ekhe dogolik tha iliogei nogo,” iluk yogeisasikhemo, it nen, men yogokhukha,

Lukas 9:20

Itithogon yogokhukhama, at Yesus nen, men yogeisasikhe, “It nen itithogon iliogei meke re, hit yi anek, an nebe hasik tha ekhe lagap nogo,” iluk yogeisasikhemo at Petrus nen, men yogokhikhe, “Hat hebe Kristus, nit tilninabuagaluk Allah nen la'isigin iluk abok yoknisasikhe etnogoat o,” iluk yogokhikhemo,

Yohanes 1:21

Itithogon yogeisasikhemo it nen, men yogokhukha, “Halok he, hat hebe tha nogo? Hebe Elia a?” iluk yogokhukhama, at nen, “An nebe at iti 'buk, ninat o,” iluk, yogeisekhe lageikhemo, it nen men yogokhukha, “Halok he, ap ageikhe Allah ane yoknisekhe dogoagaluk ayoko 'biluk la'isigin isikhe etnogo a?” iluk yogokhukhama, at nen, “Iti an degat o,” iluk yogeisasikhe.

Yohanes 1:25

“Hat nen, An nebe, Allah nen akhuni tilninabuagaluk ayoko 'biluk la'isigin isikhe etnogo dek o. Nen, Elia degat o. Nen, Allah ane yoknisekhe dogoagaluk la'isigin isikhe etnogo degat o, egen meke re, nenaluk akhuni ima usa'isekhe lagan?” iluk yogokhukhama,

Yohanes 7:40

Wene itithogon yogeisugunem, akhuni doalegat emenogo inasuk holhukhasik, it aperek nen, men isukha, “Ap yi, ap ageikhe Allah ane yoknisasigin iluk, therogo welagorek etnogoat o,” iluk ugunem

Yohanes 9:17

Itithogon mikikhukhasik ap ileken puk meke hano hagakhikhe etnogo oba itema yabokane waganhe dogolik, “Hat nen, At nen nileken hano hagatnakhe iluk egen apigi. Halok he, hat nen ap iti abok nikithogon apekhe lagan,” iluk yogokhukhama, at nen he, “At ebe ap Allah ane yogeisegarek etnogo mekeat o,” iluk yogeisasikhe.