Lukas 8:9 - ALLAH ANE WENW KET MEKE WAROGO WOKNINAKHIKHE WENE

⁹ Itithogon yogeisasikhemo, at agarumi ane waganhe lagoukha meke emenogo nen, at Yesus men yogokhukha, “Hat nen wene oba lisogon yoknisegen iti, ebe nikithogon meke hasik egen,” iluk yogokhukhama,

Lukas 8:9 Iomraidhean Croise

Matius 13:10

At Yesus nen itithogon yogeisasikhemo at agarumi at ane waganhe lagoukha meke emenogo oba wagoukhasik nen, men yogokhukha, “Hat nen akhuni yoma wene yi baga likhik, ti baga likhik, yogeisegen iti nenaluk,” iluk yogokhukhama,

Matius 13:18

Itithogon yogeisasikhesik, ageikhe men yogeisasikhe, “Wene ap ageikhe ai hilik lageikhe, iluk oba lisogon yokhisigi etnogo, ebe erlo yokhisagein yi hutdini o.

Matius 13:36

Itithogon yogeisasikhesik nen, akhuni doalegat emenogo etoma werek korlek, at Yesus ebe uma ukisikhemo, at agarumi ane waganhe lagoukha meke emenogo oba ukisukhasik nen, men yogokhukha, “Wene, oka weak meke wen oba nen dukhisikhe meke oba lisogon yakulnisegen etnogo ebe pilinerogo yoknisan o,” iluk yogokhukha.

Matius 15:15

Itithogon yogeisasikhemo, at Petrus nen he, men yogokhikhe, “Noe. Wene oba lisogon yoknisegen iti ebe pakhogon yoknisan o,” iluk yogokhikhe.

Markus 4:10

Itithogon yogeisasikhesik, at Yesus arligat werekma, yabokane it inebe 12 emenogo men, it aperek Yesus wene yogeisugunem inasuk holhukha meke men, oba wagoukhasik, men yogokhukha, “Hat nen wene oba lisogon yoknisegen etnogo, ebe nikithogon meke hasik yoknisegen,” iluk oba hinok waganhukha.

Markus 4:34

It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.

Yohanes 15:15

It akhuni inatuaneke meke iti, inougi hagakharek meke inokodek iti nen, an nen hurli yogotak yi baga nen, Hit an natuaneke, iluk yokhisagein dek o. Yi wene ti wene nopase nen yoknikhikhe meke tha'bokhogonat yokhisekhe lagei iti nen, Nagarlak lak, iluk yokhisekhe lagei iti o.