Lukas 8:54 - ALLAH ANE WENW KET MEKE WAROGO WOKNINAKHIKHE WENE

⁵⁴ Obato kogat agoukhama, at Yesus nen horlak etnogo iki hago meldekhe dogolik, men yogokhikhe, “Neru. Hiluk asin o!” iluk yogokhe korlek eranogoat

Lukas 8:54 Iomraidhean Croise

Matius 9:25

Obato kogat agoukhama, inebe ula'isalok at horlak etnogo welageikhemo ukiluk iki hago meldisikhemo iluk ageikhe.

Markus 1:31

Yogokhukhama he etnogo alilu lageikhesik nen, iki hago meldisikhe. Melidisinem he, oba u agaken etnogo dek ageikhe. U dek ageikhemo nen, at nenat yomageisekhe lageikhe.

Markus 8:23

Yogokhukhama nen, at nen ap iti iki hago wolok o silimo nen leget itikmanke dukhisikhe. Wolok dukhisikhesik wosi ileken oba 'biluk, iki hakhekhe dogolik men yogokhikhe, “Yogotak hileken yi meke ti meke ageikhe lakhekhe lagan a? Dek a,” iluk hinok waganhikhemo

Markus 9:27

Itithogon isukha mekeat he, at Yesus yekerek etnogo iki hago meldisikhemo melageikhe.

Lukas 8:51

Yairus aila lagoukha. Lagoukhasik nen, akhuni aperek emenogo okutlu dogoagaluk yogeisalok nen, Petrus men, Yohanes men, Yakobus men, horlak etnogo agosa opase men, inebe eta anek wogosik uma ukisikhe.

Lukas 8:53

it nen, Horlak iti arat watlaga, iluk inilumo nen Yesus obato kogat agoukha.

Lukas 8:55

agurlagun dukhisikhe meke yabokane ukisikhemo, ebe arat iluk ageikhesik melageikhe. Melageikhemo, at Yesus nen, “Apiri ageikhe noak nen wogotni o,” iluk yogeisasikhe.

Yohanes 11:43

yabokane ane kokhogon men isikhe, “Lazarus. Itithogon dukhi me o!” iluk yogokhikhemo,

Yohanes 5:21

Nen, an nopase nen akhuni warek meke inilugurinakherek iti hak, a'but an nen itithogonat inilugurinabigin, iluk nakla apegerek meke inebe tomok inilugurinakherek.

La'isasikhe 9:40

Inuguthasukhama, at Petrus nen inebe tha'bokhogonat ula'isalok, itibagal yukukhogon sembayan iluk nen, elokhe hebenokhogon warek etnogo wogokhikhesik nen, “Tabita. Melasin o,” iluk yogokhikhe. Yogokhunem, eranogoat ileken 'bekelageikhesik nen, Petrus ebe ileken halok melageikhesik aloke tagakhogon hurek lageikhe.

Roma 4:17

Wene iti hasik Allah nen Abraham men yogokhikhe, “Yi akhuni ti akhuni inukuloak etaga doalegat inopase re, hat meldagagi o,” iluk yogokhikhemo holal waganogo 'bisukha. Itithogon yogokhikhemo at Abraham akla nen, “At Allah akhuni warek meke inilugurinakhik, nen, yi meke ti meke dek meke ane baga weregetdigik, hagakherek meke nen abok yoknekhe iti eberogonat yoknekhe o,” iluk etaiken oba hakotdisikhe iti.