Lukas 8:50 - ALLAH ANE WENW KET MEKE WAROGO WOKNINAKHIKHE WENE

⁵⁰ Itithogon yogokhikhemo at Yesus asuk holhikhesik nen, Yairus etnogo men yogokhikhe, “Yak e. Hayuk agun o. Hetaiken noba hakotdegen halok he, ha'but horlak iti hano asigin o,” iluk yogokhikhesik nen,

Lukas 8:50 Iomraidhean Croise

Markus 5:36

Yogokhukhama at Yesus nen, it inane asuk holhikhesigat, inane thogotdisalok kain etnogo men yogokhikhe, “Hakla wene munini ebekhun o. Hetaiken an noba hakotdiluk nipisak luok o,” iluk yogokhikhesik lagoukha.

Markus 9:23

Itithogon yogokhikhemo, at Yesus nen men yogokhikhe, “Hat nen, Erlok hagasusak halok he, hagasin, iluk yoknekhen iti nenaluk. Akhuni inetaiken Allah oba hakotdiluk yi meke ti meke erlok hagasusak anek o,” iluk yogokhikhemo,

Lukas 8:48

Itithogon yogokhikhemo, at Yesus nen, men yogokhikhe, “Neru e! Hetaiken noba hakotdegen iti nen hano agan o. Halok he, hakla hanorogonat lan o,” iluk la'isikhe.

Lukas 8:51

Yairus aila lagoukha. Lagoukhasik nen, akhuni aperek emenogo okutlu dogoagaluk yogeisalok nen, Petrus men, Yohanes men, Yakobus men, horlak etnogo agosa opase men, inebe eta anek wogosik uma ukisikhe.

Yohanes 11:25

at Yesus nen, men yogokhikhe, “Akhuni iniluk motok dogoagaluk, an nenat inilugurinakherek o. At tha nen etaiken an noba hakotdilukmo nen watlasigin halok, at ebe watlasigin mekeat he, yabokane iluk atluk iluk motok dogogin o.

Yohanes 11:40

at Yesus nen, men yogokhikhe, “An nen wene yokhekhe dogolik, Hetaiken an noba hakotdegen halok he, Allah hogorakharek meke etnogo ageikhe hagakhunem hileken higinat o, iluk, arat yokhikhidegat? Yokhikhiat o,” iluk yogokhikhemo,

Roma 4:17

Wene iti hasik Allah nen Abraham men yogokhikhe, “Yi akhuni ti akhuni inukuloak etaga doalegat inopase re, hat meldagagi o,” iluk yogokhikhemo holal waganogo 'bisukha. Itithogon yogokhikhemo at Abraham akla nen, “At Allah akhuni warek meke inilugurinakhik, nen, yi meke ti meke dek meke ane baga weregetdigik, hagakherek meke nen abok yoknekhe iti eberogonat yoknekhe o,” iluk etaiken oba hakotdisikhe iti.

Roma 4:20

Abraham etaiken Allah oba itithogon hakokthek motok dogolik, “Allah nen abok yoknikhikhe etnogo, ebeat asigin a? Dek asigin a,” iluk wene munini ebekhidek welageikhe. Itithogon etaiken Allah baga hakotdiluk welageikhe iti baga obatnetdisinem Allah hogorakhe lageikhe.