Lukas 8:5 - ALLAH ANE WENW KET MEKE WAROGO WOKNINAKHIKHE WENE

⁵ “Ap ageikhe ai hilogo la'ekherek meke ai hilogo la'igiluk dukhisikhe. Dukhisikhesik la'ilik lagunem, ai aperek holagarlem usa'isikhe. Itithogon usa'isikhemo akhuni laga dogolik, inisok nen al debelogo 'bilik lagoukhama, thue hitluk nekherek meke wageikhesik tha'bokhogon haumhogo nasikhe.

Lukas 8:5 Iomraidhean Croise

Matius 13:37

Itithogon yogokhukhama, at Yesus nen, “Ap ageikhe nen ai hano meke yakhikhe igi etnogo ebe re, an abat itaklasi agagi etnogo nebe yiat o.

Matius 5:13

Wene itithogon yogeisasikhesik nen, “Akhuni yoma tha'bokhogonat inobasik, mayu hekene hirat welagap o. Meke re, mayu iti aik dek aga halok he, nena meke baga aik weregerasusak apegep? Dek o. Aik weregerasusak motok dek nen, pulelogo la'isegarekma akhuni inisok nen tamelogo la'isegarek o.

Markus 4:15

Nen, ai ageikhe holagarlem usa'isikhe iti ebe, it akhuni aperek nen Allah ane inasuk holharethek nen, Iblis ibat wagarethek nen, wene inetaikenma yago meke iti henogo wolok lagarek o.

Lukas 8:4

At Yesus o etoma werekma, akhuni motok doalegat o yi ai ti ai nen, at oba natogosi agoukhama, at nen wene oba lisogon men yogeisasikhe,

Lukas 8:6

Nen, ai aperek helekit oba usa'isikhe meke re, ibat aku hurlelhikhesik nen, agat apusu dek nen puk ageikhe.

Ibrani 2:1

Iti nenat, akhuni ku baga lagunem i nen wogosik lagarek iti hak, nit nen ebe wene iti here'umo werlekmake woknisik launogo iluk, wene ninasuk holhugu meke iti ninobatnerogon herogo dogouok o.