Lukas 8:48 - ALLAH ANE WENW KET MEKE WAROGO WOKNINAKHIKHE WENE

⁴⁸ Itithogon yogokhikhemo, at Yesus nen, men yogokhikhe, “Neru e! Hetaiken noba hakotdegen iti nen hano agan o. Halok he, hakla hanorogonat lan o,” iluk la'isikhe.

Lukas 8:48 Iomraidhean Croise

Matius 12:20

O ilugun hurli baga at nen wene akhuni inoba 'bigik, kokhik, mothogonat hagakhe dogolik, at obatne asigin iti aban werek korlek, hite oak sigilik meke, at nen hukaligin dek o. Nen, isagal amulok dageigidek thode anek dageikhe halok he, at nen naguldisagein degat o.

Matius 8:13

Itithogon yogeisasikhesik nen, at Yesus nen ap tentara meke inoe kok etnogo men yogokhikhe, “Hebe lan o. Hat hetaiken an noba hakotdiluk, hakla nen, Itithogon hano hagatnisusak iluk apegen iti hagat, hagatlasuak o,” iluk isi korlek eranogoat, atuaneke etnogo oba hano ageikhe.

Matius 9:2

ap ageikhe iki isok aborlok dek welageikhe meke thabuleka dit talogo noge ekherekma witik werek korlek yerogo wolok oba wagoukhama, at Yesus nen he, “It iti inetaiken an noba hakotdegasik nen wolok wageikha higi,” iluk, ileken ekagat hisalok nen, ap iki isok aborlok dek meke etnogo men yogokhikhe, “Na'but o. Hakla arleken akhan. Hat weak hagakhe lagan meke re, an nen thagalogo degetdigi o,” iluk yogokhikhe.

Matius 9:22

Iki hakhasikhemo, at Yesus nen ileken dagakhogon 'bikhasikhesik nen, men yogokhikhe, “Neru o! Hakla arleken akhan o. Hetaiken noba hakotdegen iti nen hano agan o,” iluk, isi korlek eranogoat, he etnogo arat hano ageikhe.

Markus 5:34

Yogokhikhemo, at Yesus nen men yogokhikhe, “Neru. Hetaiken noba hakotdegen iti nen hano agan o. Halok he, hakla hanorogon lan o,” iluk la'isikhe.

Lukas 17:19

at ap wageikhe etnogo men yogokhikhe, “Eberogonat hagatnabigin, iluk hetaiken noba hakotdegen iti baga arat hano agan o. Halok he, hebe melatluk haila lan o,” iluk la'isikhe.

Lukas 18:42

at Yesus nen, men yogokhikhe, “Hileken puk ithi hano asin o. Hat hetaiken noba hakotdegen iti bagaat hano agan o,”

Lukas 7:50

at Yesus nen, he etnogo yogokhe dogolik, men yogokhikhe, “Hat hetaiken noba hakotdegen iti nen tilhakhi o. Halok he, hakla hanorogon haila lan o,” iluk la'isikhe.

Lukas 8:47

Yogokhikhemo, at he etnogo akla nen, “Arat hutdanhe higi o,” iluk, ayuk ageikhesik nen, oageleke dik-dik Yesus oba wageikhesik nen, apma itibagal yukukhogon men yogokhikhe, “An yigithogon nen hasu niki hakhigi o. Itithogon niki hakhugunem eranogoat hano agei yi,” iluk, akhuni emenogo inil oba motok pilinogo yogokhikhe.

La'isasikhe 14:9

Hurek dogolik Paulus nen wene yogeisugunem asuk holek werekma, at Paulus nen ileken oba tek-tek 'birogo dogolik, akla nen, “Ap ithi etaiken nenat, Eberogonat hagatnabigin, iluk apekhesik werek higi,” iluk akla apasikhe.

2 Korintus 6:18

An hit hinopaseat dogogin o. Nen, hit an na'buriat dogogun o, iluk ninopase Etagapogot yi meke ti meke hagasusak anek etnogo nen isikhemo,” iluk holal waganogo 'bisukha.

Ibrani 4:2

Wene hano wene iti it alep yogeisasikhe iti hagat, nit itithogonat yoknisasikheat. Meke re, wene yogeisasikhe meke iti, it inasuk holhukhasik nenat, inetaiken oba hakotdigidek hagakhe lagoukha iti baga, wene iti it inobasik erlok dek ageikhe iti.