Itithogon hagakhikhemo, ap ageikhe o sembayan egarekma etoma inoe kok welageikhe meke iti nen, men isikhe, “Yesus iti niniki 7 baga Allah hasik werlegat werek korlek, he iti u hano hagakhe iti nenaluk hagakhe,” iluk akla aga nen akhuni doalegat emenogo men yogeisasikhe, “Yi hagakhik, ti hagakhik, hagakhe dogosak iti, iniki 6 oba iti bagaat hagakhe dogosak o Halok he, hiniki iti bagaat u hinoba meke hagathinabuagaluk waga dogono. Meke re, Allah hasik werlegat dogolik wisusak dek o,” iluk itithogon yogeisasikhemo,
Lukas 8:41 - ALLAH ANE WENW KET MEKE WAROGO WOKNINAKHIKHE WENE41-42 Itithogon waganhukhama, ap ageikhe etaga Yairus, o akhuni Yahudi meke sembayan egarekma inoe kok meke, a'but horlak opakiat itago meke ebe itaklageikhesik oba umur 12 tahun hagatlageikhe hak, u nen horogat watlasigiluk hagakhe lageikhemo, Yesus oba wageikhesik apma itibagal yukukhogon heagei wakhe dogolik, men yogokhikhe, “Noe. An naila luok o,” iluk, ane a'buarek ane yogokhikhe. Itithogon yogokhikhemo, Yesus at ipisak luogoluk lagunem, akhuni motok doalegat oporlik kerlek-kerlek lagoukha. Faic an caibideil |
Lukas 8:41
15 Iomraidhean Croise
Itithogon yogokhe korlek eranogoat, o akhuni Yahudi meke sembayan egarekma inoe kok etnogo aila nen agot ageikhe yoko wageikhesik nen, Yairus men yogokhikhe, “Noe. Ha'but horlak etnogo arat watlagama nen wagei o. Halok he, ninoe kok wene yakulnisekherek meke ithi isok alomarogo hipisak luogoluk oba tiolusak dek,” iluk yogokhikhe.
Hurek lagoukhasik werekma, it akhuni etoma meke nen, wene Allah nen ninasuk wakhikhe wene etnogo etaga thalhik, wene it ap Allah ane yogeisekhe lagoukha meke nen holal waganhukha meke etaga thalhik, isukhasik nen, inougi koktek nen Paulus lak yogeisekhe dogolik, “Nagarlak lak. Akhuni yoma inetaiken horle asuak nen, hit nen wene ageikhe werek halok he, yoknisobageik iluk hinayoko 'bogo o,” iluk isukhama,
Ula'isugunem, it akhuni aperek tha'bokhogonat nen, ap etaga Sostenes, o akhuni Yahudi meke sembayan egarekma iteerek kok welageikhe meke iti, ebe hakhasukhasik nen, o ukum inoba 'bigik, kokhik, hagakhe lagoukhama etoma ebe tugi wakhukha. Itithogon wakhe korlegat at Galio etnogo nen irlirli waganhidek obakhaniniat huk ageikhe.
Etoma werekma, ap Krispus, o akhuni Yahudi meke sembayan ekhe lagoukhama iti kok iteerek welageikhe meke ebe men, a'buri men, “Wene iti eberogonat,” iluk inetaiken ninoe Etagapogot oba hakotdisukha. Hakotdisukhama, it akhuni o kota Korintus meke aperek inebe doalegat wene holiluk nen, “Eberogonat,” iluk inetaiken ninoe Etagapogot oba hakotdisukhama, inom ima usa'isasukha.
Itithogon 'bi dageisukhasik werek korlek, o Yope etoma nen, o Lida iti horogatma, it akhuni aperek nen, “Petrus ebe o Lida wagasik werek o,” iluk isinem, it akhuni Yesus ane waganhukha meke emenogo inasuk holhukhasik nen, it ap inebe pere Petrus ayoko loagaluk, men yogeisasukha, “Hit lalok Petrus men yogotno, Noe. Hebe erapigat welageidek ninom ibat luok o, iluk yogotno,” iluk lia'isa agoukhama dagei agoukhasik, yogokhukhama, at Petrus nen,
Itithogon ikimo waganhunem, it Allah nen winametdisasikhemo iniluk welageikharek meke inebe 4 oba emenogo inom, ap inarluetek inebe 24 emenogo inom, Domba Eak etnogo apma ukiluk initibagal yukukhogon hogorakhe lageikha. Itithogon hogorakhe dogolik, it ap inarluetek emenogo inebe tomok gitar hakene meke inom, kemenyan apusu isoak emas meke hagarek meke baga henago meke inom, inikimo hago dogolik etai wakhe lageikha. Kemenyan iti ebe re, Allah a'buri sembayan egarek itiat o.
Sanasan