Lukas 8:39 - ALLAH ANE WENW KET MEKE WAROGO WOKNINAKHIKHE WENE

³⁹ “Haila lan o. Lalok nen, Allah nen hagathakhe meke iti pilinerogo yogeisilik nekhe dogono o,” iluk, itithogon asuk warogo la'isikhemo ap etnogo aila lageikhesik nen, “Yesus nen itithogon hagatnakhe o,” iluk, pilinerogo it akhuni o ukul kokma etoma meke wene tha'bokhogonat yogeisilik nekhe lageikhe.

Lukas 8:39 Iomraidhean Croise

Markus 1:45

Itithogon yogeisugun iluk asuk warogo la'isikhe mekeat he, at etnogo nen akhuni yugunat yogeisekhe dogolik he, “Yigithogon hano hagatnakhe o,” iluk abok ya ta yogeisilik lageikhe iti nen, at Yesus nen o ukul kokmake etoma thelekma lausak erlok dek nen, itikmanke o limo akhuni dekma lageikhesik welageikhe. Itithogon welageikhe mekeat he, akhuni o yi ai ti ai etoma nen oba natogosi aga lagoukha.

Markus 5:18

Yogokhukhama at Yesus ku akla ukigin thalekma, at ap mokat inobabut weak meke akla ukiluk welageikhe meke etnogo nen, men yogokhikhe, “An nipisak nekhe dogouok nen, luok o,” iluk ane a'buarek negen yogokhikhemo,

Markus 5:19

at Yesus nen, men yogokhikhe, “Dek o. Haila lano o. Lanok nen, ninoe Etagapogot etnogo nen akmu nealok nen, yigithogon hano hagatnakhe, iluk hougi hagarumi yogeisa lano,” iluk asuk warogo la'isikhe.

Lukas 8:38

Wisigiluk hagakhunem, ap mokat inobabut weak meke akla ukisikhesikmo mukhogo ula'isikhe meke etnogo nen, men isikhe, “Noe. Nipisagat nekhe dogouok nen, luok o,” iluk, ane a'buarek ane Yesus yogokhikhe meke re, at Yesus nen, “Dek o,” iluk aila la'ekhe dogolik,

Lukas 8:40

At Yesus ebe apuke i aik ilibaganke nen itali ageikhemo it akhuni inebe doalegat nen, at ebe therogo werekma heagei warogo waganhukha.

Yohanes 4:29

“Ap ageikhe nen an yi hagakhik, ti hagakhik, hagakhe lagei meke tha'bokhogonat pakhogon motok yoknekhe meke ebe eta werek o. At ebe Kristus Allah nen tilninabuagaluk la'isigin meke etnogoat a? Ninat a? Hinileken hobageik nen witni o,” iluk yogeisilik lageikhe.

1 Timotius 5:8

It ap aperek nen Allah ane eberogonat iluk waganhukhasik dogoligat he, inekaerek ina'buri itiat kogotdiluk yomageisigik, akhuni erlo it meke halok aperek inomat yomageisigik, hagakhidek halok he, Allah ane here'isalok dukhisukhasik hakeneat werek o. It akhuni itikmanke meke nen wene waganhidek dogolik, weak herlekha'bugat negen hagariogei mekeat he, it iti wene waganhukhasik nen akhuni it meke yomageisigidek iti nen, weak kok negen hagariogei o.