Lukas 8:37 - ALLAH ANE WENW KET MEKE WAROGO WOKNINAKHIKHE WENE

³⁷ Itithogon yogeisasukhama, it akhuni o ukul Gerasa meke men, o aliluke meke men, inebe tha'bokhogonat inayuk weak agoukhasik nen, Yesus men yogokhukha, “Yesus. Hat hebe ninom yoma dogosak dek. Lan o,” iluk yogokhukha. Itithogon yogokhukhama, at Yesus ku akla ukiluk ku warogo apuke wageikhe.

Lukas 8:37 Iomraidhean Croise

Matius 8:34

Itithogon yogeisa lagoukhama it akhuni o etoma welagoukha meke Yesus 'bikha agoukhasik nen, “Hat hebe o yoma dogosak dek o. Lausak o,” iluk inane obatnerogonat yogokhukha.

Markus 5:17

Itithogon yogeisasukhama, it nen men yogokhukha, “Yesus. Hat hebe nit werekma yoma dogosak dek. Werlekmake lan o!” iluk inane obatnerogon yogokhukha.

Lukas 10:16

Itithogon yogeisalok nen, at agarumi ane waganhe lagoukha meke emenogo men yogeisasikhe, “It akhuni nen hit hinane holiogei halok he, an naneat holiogei o. Nen, Nina'it, iluk here'inagega halok he, anat here'anha o. Nen, an here'anha halok he, an la'ani ageikhe meke etnogo ebeat here'isega o,” iluk itithogon yogeisalok nen, la'isasikhe.

Lukas 5:8

Itithogon hagasigin apasikhe, at Simon etnogo Yesus elokhoma itibagal yukukhogon usasikhesik nen, “Noe! An weak hagakherek meke yi, yoma thogotdaniluk lan o,” iluk yogokhikhe.

Lukas 8:36

Inayuk agoukhama, it akhuni aperek Yesus nen hagakhunem inileken hasukha meke nen, men yogeisasukha, “Ap mokat obabut weak meke ukisikhesik welaga etnogo itithogon hano hagakhe,” iluk motok pilin-palinhogon yogeisasukha.

Lukas 8:38

Wisigiluk hagakhunem, ap mokat inobabut weak meke akla ukisikhesikmo mukhogo ula'isikhe meke etnogo nen, men isikhe, “Noe. Nipisagat nekhe dogouok nen, luok o,” iluk, ane a'buarek ane Yesus yogokhikhe meke re, at Yesus nen, “Dek o,” iluk aila la'ekhe dogolik,

Lukas 9:5

Nen, it akhuni o ageikhe nen hinebe wokhinakhidek halok he, o ukul iti here'isalok dukhi aga dogolik, it o etoma meke inakla hutduagaluk hinisok hola negen horogo 'biluk dukhitno o,” iluk, inasuk warogo la'isasikhemo,

Lukas 9:56

Itithogon wenageisalok nen, o nekalokma ageikhe lagoukha.

La'isasikhe 16:39

Inayuk agoukhasik, inebe wagoukhasik nen, “Nagarlak lak. Nit korlo hagakhoma,” iluk Paulus Silas ipisak heagei warogo o iniki herle warek 'bisegarekma nen ula'isa aga dogolik, men yogeisasukha, “Hinebe o kota yoma dogogup o. O werlekma lani o,” iluk inane erogat yogeisasukha.