Lukas 8:34 - ALLAH ANE WENW KET MEKE WAROGO WOKNINAKHIKHE WENE

³⁴ Itithogon hagatlageikhemo, it ap wam therogo welagoukha meke emenogo inileken hasukhasik nen, pirlirli, umake yoko lagoukhasik nen, o ukul kokma inom, 'bugurlagatma inom, wene hagatlageikhe meke etnogo motok pilin-palinhogo yogeisa lagoukha.

Lukas 8:34 Iomraidhean Croise

Matius 28:11

Itithogon yogeisasikhemo, it humi eranogo aban laga korlek, it ap thuam welagoukha meke emenogo aperek o kota ukisukhasik nen, wene tha'bokhogonat hagatlageikhe meke emenogo, “Itithogon hagatlaga,” iluk, it ap Allah iteerek meke inougi koktek emenogo motok pilin-palinhogo yogeisasukha.

Matius 8:33

Itithogon i lagoukhama nen, it akhuni wam therisik welagoukha meke inayuk atluk, “Yigithogon hagatlaga o,” iluk yoko o ukul kokma pirlikha lagoukhasik nen, it ap inebe pere eranogo inabok inomat pilinogo yogeisasukha.

Markus 5:14

I lagoukhama, it wam therogo welagoukha meke inayuk atluk pirlirli yoko lagoukhasik, akhuni o ukul kokma yogeisigik, o 'bugurlagatma yogeisigik, yogeisasukha. Yogeisasukhama it akhuni nen, “Nikithogon hagatlagama nen ega,” iluk, inileken 'bikhauwogoluk Yesus oba wagoukha.

Lukas 8:33

it mokat inobabut weak meke emenogo, ap etnogo akla nen dukhi lagoukhasik, wam emenogo inakla ukhatlasi lagoukhama, motogat i kat oba lumhogo, i kok yekelekma usa lagoukha.

Lukas 8:35

Itithogon yogeisa lagoukhama nen, it akhuni nen, “Nikithogon hagatlagunem nen ega,” iluk, inileken huogoluk Yesus oba wagoukha meke, ap mokat inobabut weak meke akla nen dukhisikhe meke etnogo obabut hebelageikhesik asu ugu Yesus apma hurek werekma inileken hasukhasik, inayuk agoukha.