Lukas 8:33 - ALLAH ANE WENW KET MEKE WAROGO WOKNINAKHIKHE WENE

³³ it mokat inobabut weak meke emenogo, ap etnogo akla nen dukhi lagoukhasik, wam emenogo inakla ukhatlasi lagoukhama, motogat i kat oba lumhogo, i kok yekelekma usa lagoukha.

Lukas 8:33 Iomraidhean Croise

Matius 8:32

Itithogon yogokhukhama, at Yesus nen, “Halok he, lani o,” iluk yogeisasikhe. Yogeisasikhemo, it mokat inobabut weak meke ap eranogo inaklake nen dukhi lagoukhasik wam doalegat konak neke lagoukha emenogo inakla ukhatlasi lagoukhama, wam emenogo motok tha'bokhogonat lumhogon i katma i yekelekma motok usasukhasik i lagoukha.

Lukas 5:1

Iniki ageikhe baga, at Yesus i Genesaret yekelekma etoma metek werekma, akhuni motok doalegat Allah ane inasuk holuogoluk oba dapuk kirlik-kerlekhogon natogosi lagoukha.

Lukas 8:32

Etanem, o etoma tom obake wam motok doalegat konak nasi werekma, it mokat inobabut weak meke emenogo Yesus men yogokhukha, “Wam eloma inakla ukhatlasi luok nen, la'inanin o,” iluk, inane ina'buarek yogokhukha. Itithogon yogokhukhama, at Yesus nen, “I o. Laniat o,” iluk yogeisasikhemo,

Lukas 8:34

Itithogon hagatlageikhemo, it ap wam therogo welagoukha meke emenogo inileken hasukhasik nen, pirlirli, umake yoko lagoukhasik nen, o ukul kokma inom, 'bugurlagatma inom, wene hagatlageikhe meke etnogo motok pilin-palinhogo yogeisa lagoukha.

Yohanes 8:44

Itithogon hina'it iti, hit hinopase Iblis atma, hit nen at warlok apekherek meke itiat warlok nen hagakhe lagap iti. At Iblis iti erlo baga nenat akhuni inakherek mekeat o. At wene ebe wene akla dek iti nen, wene ebeat wene isinem inane legekherek dek iti. Iblis ekalat ekherek iti, at obabut ikhogatma ekalat ekherek iti. Inekalat egarek iti, erlo arat o.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.

A'bikaka 9:11

Nen, it iti inoe kok etagapogot hagasik welagarek meke, at malaikat Allah nen wema baga kilinmo usa'i ageikhemo welagarek meke etnogoat. At iti etaga, nit ninane baga, weagarinakherek meke u hak, it akhuni Ibrani meke inane baga etaga Abadon igik, nen, it akhuni Yunani meke inane baga, Apolion igik, egarek meke lakhigi.