Lukas 8:32 - ALLAH ANE WENW KET MEKE WAROGO WOKNINAKHIKHE WENE

³² Etanem, o etoma tom obake wam motok doalegat konak nasi werekma, it mokat inobabut weak meke emenogo Yesus men yogokhukha, “Wam eloma inakla ukhatlasi luok nen, la'inanin o,” iluk, inane ina'buarek yogokhukha. Itithogon yogokhukhama, at Yesus nen, “I o. Laniat o,” iluk yogeisasikhemo,

Lukas 8:32 Iomraidhean Croise

Matius 7:6

Itithogon yogeisasikhesik ageikhe men yogeisasikhe, “Allah hasik 'bisegarek meke etnogo yeke wogokhunem, yabokane dagakhogon aik nen li'bilhinabinogo iluk, wogokhup o. Nen, hinobake ile hano meke mutiara iti, wam wogokhunem isok nen wulel warogo la'inogo iluk, yogokhubat o,” iluk yogeisasikhe.

Lukas 8:31

Itithogon yogotluk nen, it mokat inobabut weak meke emenogo mukhogo kilinmo herle warogo usa'isegarekma usa'isaunogo iluk inane ina'buarek inane Yesus yogokhukha.

Lukas 8:33

it mokat inobabut weak meke emenogo, ap etnogo akla nen dukhi lagoukhasik, wam emenogo inakla ukhatlasi lagoukhama, motogat i kat oba lumhogo, i kok yekelekma usa lagoukha.

Yohanes 19:11

at Yesus nen he, men yogokhikhe, “At Allah nen, Hat nen wene akhuni inoba 'bigik, kokhik, hagakhe dogono, iluk hat iteerek 'bageilep dekma, hat nen wene noba 'banusak erlok degat o. Iti nen he, Hat weak hagakhen, iluk wene hoba herlekha'bugat negen werek mekeat, at ageikhe nen an nebe waganogo hat hiki baga 'bani aga meke iti anek he, weak hagakhe, iluk wene kok negen oba werek o,” iluk yogokhikhemo,

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

A'bikaka 20:7

Itithogon hisigirik oba nen, yabokane, o mulikin dageigik, usigik, hagakhe korlek, 1.000 tahun arat dogoluk nen, ilugun kobokhogon Iblis iki herle warek etnogo herle hisalogo lia'isigin.