Lukas 8:24 - ALLAH ANE WENW KET MEKE WAROGO WOKNINAKHIKHE WENE

²⁴ Itithogon hagakhikhemo, it emenogo nen, at Yesus noge isinem lagoukhasik nen iluguthekhe dogolik, men yogokhukha, “Ninoe! Ninoe! Nit arat i lugun yoma,” iluk yogokhukhama, at Yesus iluk atluk melageikhesik nen, i hoklabu men, hisakne men, wenagakhikhemo palageikhesik motok hapuk isikhe.

Lukas 8:24 Iomraidhean Croise

Matius 14:30

Lagunem nen, hisakne obatnerogon hubetha ageikhemo, ileken halok ayuk ageikhesik, ima na'bukhogon usagein thalekma, ane naik ekhe dogolik, “Eiye! Noe! Tilnabi me o,” isinem eranogoat,

Matius 8:25

Noge isinem, agarumi alilu wagoukhasik iluguthekhe dogolik, men yogokhukha, “Yesus. Nit i lugun yoma, tilninabumo re,” iluk yogokhukha.

Markus 4:39

Yogokhukhama, at iluk ageikhesik, hisakne etnogo wenagakhe dogolik, “Haborlok dek asin,” isikhesik, i etnogo yogokhe dogolik, “Haborlok hapuk in,” iluk yogokhikhemo, hisakne etnogo dek ageik, i hoklabu etnogo aborlok motok hapuk igik, hagatlageikhe.

Lukas 4:35

at Yesus nen wenagakhe dogolik, “Hane. Ap yi akla nen dukhi lan o,” iluk yogokhikhemo mokat obabut weak meke etnogo nen ap etnogo ebe tunhogo akhuni doalek etnogo inakerlekla la'isalok nen, ap ebe weagatdigidek dukhisikhe.

Lukas 4:39

at nen, he etnogo alilu lageikhesik metek dogolik, “U yi dek asin o,” iluk, yogokhe korlek eranogoat, u etnogo dek ageikhe. Dek ageikhemo, he etnogo melageikhesik nen, it yomageisekhe lageikhe.

Lukas 5:5

at Simon nen, “Noe! Hiamaganekeke nen lok-logat hibako usakho motok welago meke re, ageikhe motok waganhidek o. Meke re, hat nen yoknekhenma nogo nen, an nen su yoge su usabigin o,” iluk

Lukas 8:25

Hapuk isikhemo, at Yesus nen agarumi emenogo men yogeisasikhe, “Hinetaiken noba hakotdiluk welagap meke etnogo, ka lagama nen ekhe lagap,” iluk, itithogon yogeisasikhemo it inayuk agoukhasik nen, it-it ekhe dogolik, “Eiye! Ap yi ebe tha apegep. Hisakne men, i hoklabu men, at ane baga, Dek asin, isinem, ane hologo dek aga iti nayuk o,” iluk hogorakhukha.