Lukas 8:2 - ALLAH ANE WENW KET MEKE WAROGO WOKNINAKHIKHE WENE

² it humi aperek mokat obabut weak meke inakla ukilukmo mukhogo ula'isigik, inoba u meke hano hagarinakhik, haganeat hagarinakhikhe meke aperek men, inom nekhe lagoukha. Humi eta ageikhe, he Maria ai Magdala ekhe lagoukha meke, alebat mokat inobabut weak meke inebe 7 nen akla ukiluk werekma, at Yesus nen mukhogo ula'isasikhe meke iti men,

Lukas 8:2 Iomraidhean Croise

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Markus 16:1

Itithogon hasukhasik, iniki 7 baga Allah hasik werlegat welagoukhassik nen, it he Maria ai Magdala meke etnogo men, he Maria Yakobus agosa etnogo men, he Salome men, apusu obasi hano meke Yesus warek oba wasi luogoluk oko pali lagoukha.

Markus 16:9

At Yesus ebe hari Minggu baga melageikhe itinem huben siakhogon melageikhesik, at he Maria ai o Magdala meke mokat inobabut weak meke inebe 7 nen akla ukisukhasik werekma haganeat mukhogo ula'isasikhe meke etnogo nen tak, “Alebageik ileken neoak,” iluk elokhoma winam ageikhe.

Lukas 23:27

Yesus ebe wolok wagunem akhuni doalegat inoporlik waga dogolik, humi aperek at uak de aga dogolik, inetaiken iniki nen huselilik wagoukha.

Lukas 23:49

Nen, it Yesus ebe inilu meke hta'bokhogonat, it humi o Galilea nen Yesus oporlik usasukha meke men, it aperek men, inebe walegat metek dogolik, itithogon hagatlagunem inileken lageik welagoukhaat.

Lukas 23:55

Nen, it humi o Galilea nen Yesus oporlik usasukha meke emenogo Yusuf oporlik wagoukhasik, oila etnogo men, Yesus ebe warek 'bisikhe meke etnogo men, inileken hutukhogon hasukha.

Lukas 8:30

Itithogon yogokhikhemo, at Yesus nen ap etnogo oba hinok waganhe dogolik, men yogokhikhe, “Hat hetaga tha,” iluk yogokhikhemo, ap etnogo mokat inobabut weak meke doalegat akla ukiluk welagoukha iti nen he, “Netaga opaki doalek u hak, Legiun,” iluk yogokhikhe.

Yohanes 19:25

Itithogon hagakhe korlek, Yesus agosa men, agosa agot men, he Maria ap Klopas age men, he Maria ai o Magdala meke etnogo men, o Yesus ebe meldisukhama alilu metek welagoukha.

La'isasikhe 1:14

It inebe eta inom, humi aperek inom, Yesus agosa Maria inom, Yesus agarumi oporlik meke inomat, inebe tha'bokhogonat inetaiken opakiat dogolik, sembayan isi motok welagoukha.