Lukas 8:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon yogeisasikhesik, yabokane ageikhe men yogeisasikhe, “Wene oba lisogon yokhisigi etnogo ebe yi. Ai hilogo la'ilik lageikhe igi etnogo, ebe Allah ane itiat o.

Lukas 8:11 Iomraidhean Croise

Matius 13:18

Itithogon yogeisasikhesik, ageikhe men yogeisasikhe, “Wene ap ageikhe ai hilik lageikhe, iluk oba lisogon yokhisigi etnogo, ebe erlo yokhisagein yi hutdini o.

Matius 13:19

Ai hilik aperek holagarlem usa'isikhe iti ebe it akhuni aperek Allah apma 'bisekherek wene iti inasuk holharethegat, ebe hutukhogo hutdigidek halok, at obabut weak meke etnogo wagarethek nen, wene inetaikenma ai yago meke iti henogo horlalok lagarek itiat o.

Markus 4:13

At Yesus nen itithogon yogeisasikhesik, yabokane men yogeisasikhe, “Hit he, wene oba lisogon yokhisigi etnogo hutdigidek hinokodek welagap halok he, yabokane wene yi baga likhik, ti baga likhik, yokhisugunem, nikithogon hutdiluk hinilu asigin.

Lukas 8:12

Holagarlem usa'isikhe iti ebe, it akhuni aperek Allah ane inasuk holharethekma nen, eberogonat iluk waganhunem, Allah nen inebe tilinabinogo iluk, Iblis wagarethek nen, wene inakla nen henogo wolok lagarek itiat o.

Yakobus 1:21

Iti nenat, yi weak ti weak hinekarli dek hagarik nekhethep meke iti here'isigik, weak kogat hagarik nekhe lagap meke iti here'isigik, hagakhe dogono o. Wene hano wene Allah nen hinakla ai yago 'bisikhe meke iti baga erlok tilhinabusak iti nen, hinetaiken thebekhogon at apma ukiluk, at nen wene hinakla kagaliogo meke iti waganhe dogono o.