Lukas 7:9 - ALLAH ANE WENW KET MEKE WAROGO WOKNINAKHIKHE WENE

⁹ Yogokhukhama at Yesus nen, men isikhe, “Ap iti nayuk e,” iluk, hogoratluk nen, elokhe dagakhogon akhuni doalegat oporlik lagoukha meke emenogo men yogeisasikhe, “Ap iti etaiken an noba hakotdekhe iti hakene, it akhuni Israel meke ageikhe inetaiken itithogon hakotdisinem hisegerek dek meke nayuk e,” iluk isikhe.

Lukas 7:9 Iomraidhean Croise

Matius 15:28

Itithogon yogokhikhemo, at Yesus nen, “He yi neru o. Hat nen, At nen hagasigin, iluk hetaiken noba motok hakotdegen iti nen, hakla apegen iti tak-tagat hagathisigin o,” iluk isi korlek eranogoat, eak etnogo hano ageikhe.

Matius 8:10

at Yesus asuk holhikhesik nen, akhuni at oporlik lagoukha meke emenogo men yogeisasikhe, “Eiye! Ap yi etaiken noba eberogonat hakotdekhe iti hakene, it akhuni Israel meke ageikhe inetaiken itithogon hakotdisinem hisegerek dek meke nayuk e, iluk eberogonat yokhisigi o.

Matius 9:33

Wolok wagoukhama, at Yesus nen mokat obabut weak meke ap etnogo akla ukiluk werekma mukhogo ula'isikhemo, ap etnogo ane huak iluk nen, wenekak isikhe. Itithogon hano hagakhikhemo, it akhuni inebe doalegat welagoukha meke nen Yesus hogorakhe dogolik, men isukha, “Yigithogon hagakhunem nit akhuni Israel meke nen ageikhe ninileken hogorek dek meke nayuk,” iluk hogorakhukha.

Lukas 7:10

Itithogon yogeisasikhemo, it yoko wagoukha meke emenogo inaila lagoukha hak, ap it inoe tentara meke atauneke meke etnogo arat hano ageikhesik werekma inileken ha lagoukha.

Lukas 7:50

at Yesus nen, he etnogo yogokhe dogolik, men yogokhikhe, “Hat hetaiken noba hakotdegen iti nen tilhakhi o. Halok he, hakla hanorogon haila lan o,” iluk la'isikhe.

Lukas 7:8

An meneke, nougi koktek meke inapma dogolik, inane holhik, nen an nagarumi tentara meke iti an napma dogolik, an nane holhik, hagakhorethekma nogo nen, an nen, at ageikhe, Lan o, iluk yogokhe halok lagarek. Nen ageikhe. Eme, iluk yogokhe halok he, wagaregat o. Nen, natuaneke ageikhe, Yi hagasin, iluk yogokhe halok he, hagakheregat o, iluk yokhesuagaluk la'inani agama wago,” iluk yogokhukha.