Lukas 7:44 - ALLAH ANE WENW KET MEKE WAROGO WOKNINAKHIKHE WENE

⁴⁴ Itithogon yogokhikhesik nen, at Yesus nen elokhe hebenokhogo he etnogo wogokhikhesik nen, men yogokhikhe, “Simon. He yi hileken hegen a? Dek a. An hat haila uki agei mekeat he, hat nen, Hisok oba hosin, iluk, i ageikhe woknekhen dek. Meke re, he yi anek, il apusu nisok oba usakhesik nen, isi baga hotnakhe o.

Lukas 7:44 Iomraidhean Croise

Lukas 7:38

Wolok wageikhesik uma ukisikhesik nen, Yesus isok ukutmo oporlik horok-horok wageikhesik nen, etoma metek dogolik de aga lageikhe. De agunem il apusu Yesus isok oba usa'isikhemo nen, isi baga yabokane hokhikhe. Hokhikhesik isok oba heagei ape tharluk wakhikhesik nen, apusu obasi hano meke wolok wageikhe etnogo Yesus isok oba watdisikhe.

Lukas 7:43

at Simon nen, “At ap ageikhe uang doalegat negen oba palegeke welageikhe mekeat, Werlegat horlegen o, iluk yogokhikhe iti nen, akmurakhikhe,” iluk yogokhikhemo, at Yesus nen, “Egen itiat o,” iluk yogokhikhe.

Yohanes 13:5

Itithogon ikhikhesik, i loyang oba kelelogo kola'isikhesik nen, at agarumi ane waganhe lagoukha meke emenogo inisok oba thobalinakhikhesik nen, su obakha baga pogukhogon ikhikhe etnogo baga i apusu horinabik lageikhe.

1 Timotius 5:10

It akhuni aperek nen it humi thoge meke iti inabok ekhe dogolik, “It inobabut hano hagariogei,” iluk egarek meke halok, inetaga holal waganusak. Hano hagakharek iti, inekaerek ineagei hanorogon kogorinakhik, ap huso wagunem, inebe hanorogon woginakhik, Allah a'buri aperek inisok obake thobalinakhik, it aperek weak werekma yomageisigik, iniki ageikhe huk agedek yi meke ti meke hasik yomageisekho motok welageik, hagakharek meke halok, inetaga holal waganusak o.

Yakobus 2:6

Itithogon wenageinakhikhe mekeat he, hit nen it inameke dek meke hinakla meanetdisekhe lagap iti. Meke re, thani nen hit hinebe weagathinakhik, pemerintah meke nen hinitema waganuagaluk wokhisik lageik hagariogei nogo. It akhuni inameke doalegat meke iti nenat itithogon hagathinabiogei apigi.