Lukas 7:4 - ALLAH ANE WENW KET MEKE WAROGO WOKNINAKHIKHE WENE

^4-5 Itithogon la'isasikhemo, it emenogo Yesus oba wagoukhasik nen, inane obatnerogonat men yogokhukha, “At ap tentara meke inoe kok iti akhuni nit meke akmutnisigik, at nenat o nit sembayan ogorekma haldinanhik, hagakhikhesikmo iti, at atuaneke iti u hagasi lausak o,” iluk itithogon yogokhukhama,

Lukas 7:4 Iomraidhean Croise

Matius 10:11

Nen, hit o ukul kokma, 'bugurlagatma, uki lagep halok he, tha nen heagei warogo hinebe wokhinakhe halok, at obabut paldiluk, at itiat hinom dogoluk o ninmo luogoluk halok he, dukhitluk lano.

Matius 10:13

Nen, it akhuni etoma inobabut hano nen wokhinakho halok, heagei hinane hanorogo warinabugun iti baga, Allah nen hanorinabiginat o. Itithogon mekeat he, inobabut weak halok he, heagei warinabugun meke iti hinane ukut apuke waganhe dogono.

Lukas 20:35

it akhuni watlatlukmo nen, Allah nen inilugurinabigin oba nen, o yabokane dogogun oba iti, erlok dogoak, iluk apekherek meke etoma dogolik, humi waganhik, it aperek igisigik, hagakhe dogogun motok dek o.

Lukas 7:3

Itithogon werekma, ap tentara meke inoe kok etnogo Yesus abok asuk holhikhesik nen, atuaneke etnogo hagasisuagaluk, ap inarluetek Yahudi meke aperek yogeisalok nen, “Yesus ayoko lani o,” iluk la'isikhe.

La'isasikhe 10:2

At ebe men, a'buri men, Allah ayukhogon dogolik hogorakhe lagoukha. Hogorakhe dogolik it akhuni Yahudi meke emenogo aperek inameke dek meke kokhogon yomageisekhe dogolik, sembayan huk ageidek isi motok welageikhe.

A'bikaka 3:4

Itithogon mekeat he, hit akhuni o Sardis eke hinebe pererlagat aperek, akhuni nen inasu thobalek meke mirli meke oba dabulasunogo iluk karelogo welageikharek iti hak, weak ageikhe hagakhidek werek iti, inasu kut meke isusak obaat ikhogo nen an ninom nekhe dogogun o.