Lukas 7:37 - ALLAH ANE WENW KET MEKE WAROGO WOKNINAKHIKHE WENE

³⁷ Hurek lageikhesik hipiri nasi werekma, he o ukul etoma meke ageikhe weak hagakherethekma abok akhuni inilu meke akhuni nen, “Yesus o ili dogolik hipiri niliogo,” iluk isukhama asuk holhikhesik nen, apusu obasi hano meke oko kogat palogo isoak helekit etaga pualam meke hagarek oba akla ukharlogo wolok wageikhe.

Lukas 7:37 Iomraidhean Croise

Matius 21:31

Halok he, hit hinakla nen he, it ap inebe pere eta tha hak nen inopase akla apasikhe tak-tagat hagakhikhe apegep,” iluk, yogeisasikhemo it nen he, “Iti a'but magea meke iti nen hagakhikhe,” iluk yogokhukhama, at Yesus nen, “Halok he, an nen wene ageikhe eberogonat yokhisak. Hit aban werek korlek, it ap uang pemerintah hasik kino iluk natogokharek meke inom, humi yugunat hagarik nekharek meke inom, it iti tak Allah apma 'bisekherekma etoma ukugun o.

Lukas 18:13

at ap pemerintah hasik uang kino iluk natogokherek meke etnogo anek he, ebe walegat metek dogolik uroak usageik ileken pogot oba liakhigidek ayukhogon dogolik, iki nen etaiken huselekhe dogolik, men isikhe, Allah nopase o! An weak hagakherek meke yi, hakmu nean o, iluk yogokhikhe.

Lukas 19:7

Yesus ipisak lagunem, it akhuni tha'bokhogonat nen inileken lageisalok, ua palogo inane kurlu-kurlu inabok palhe dogolik, men isukha, “Yesus nen, ap weak hagariogo meke etnogo aila ipisak noge i luogoluk liliogei iti nayuk o!” iluk isukhama mekeat,

Lukas 5:30

Itithogon nasimen, it ap Farisi meke men, it ap Allah ane holal waganek iteerek meke men, at yesus agarumi ane waganhe lagoukha meke emenogo men yogeisasukha, “Hit he, ap uang pemerintah hasik kino iluk waganharek meke inom, it aperek weak hagariogei meke inom, hinom hipiri opakimo neke lagap ethoma nenaluk?” iluk yogeisasukha.

Lukas 5:32

An wagagi iti, akhuni hano hagakharek meke inayoko 'bigiluk wagagi 'buk. Dek o. Akhuni weak hagakharek meke iti thogotdisalok inobabut hebelasuagaluk, inayoko 'bigiluk wagagi o,” iluk yogeisasikhe.

Lukas 7:34

Meke re, an abat itaklasi agagi etnogo anek, hipiri men, anggur eken apusu men, yugunat nilik wagagisikmo nogo nen, hit nen, Lakhani! Ap yi re, hipiri men, anggur eken apusu men, oba la'buk nilik nekhe dogolik, ap pemerintah meke hasik uang kino iluk waganharek meke men, ap weak hagakharek meke men, hunetdakhalok niliogo yi 'bikhani? iluk yoknekhe lagap.

Lukas 7:36

At Yesus nen itithogon yogeisasikhesik werekma, ap Farisi meke ageikhe etaga Simon, Yesus ipisak hipiri at aila nuogoluk ayoko 'bisikhe. Ayoko 'bisikhemo aila ukiluk ipisak hipiri nuogoluk, hurek lageikhe.

Yohanes 11:2

He Maria iti ebe, yabokane apusu obasi hano meke ninoe Etagapogot Yesus isok oba wakhikhesik nen isi baga hokhikhe meke etnogo. Itithogon inaila werekma itinem, at Lazarus oba u warogo 'bekhemo

Yohanes 9:24

Itithogon isukhama it nen ap alebat ileken puk itaklageikhesik welageikhe meke etnogo yabokane waekhukhama wageikhemo, men yogokhukha, “Ap iti ebe weak hagakherek meke nit ninilumo, hat hekaerek nen hane eberogonat Allah etaga hupuk palogo yoknisan o,” iluk yogokhukhama,

Yohanes 9:31

Akhuni weak hagakharek meke Allah nen inane asuk holherek motok dek iti, nit ninilu o. Akhuni Allah inayukhogon dogolik, at akla apekherek meke mothogon hagakharek meke halok, inane Allah asuk holherek o.

Roma 5:8

Itithogon mekeat he, at Allah ninebe akmu nen hagakherek iti ekagat asuagaluk, nit weak hagakho werekma, Kristus ebe woknisasikhemo ninobolukmo watlageikhe iti.

1 Timotius 1:15

Akhuni weak hagakho werekma Kristus Yesus nen ninebe tilninabigiluk agat oba yoma usa'ageikhe iluk igi iti, akhuni nen he, “Wene iti eberogonat,” iluk hutukhogon waganusak meke. Akhuni aperek weak herlekha'bugat negen hagakharek mekeat he, an anek he, weak kok motok hagakhe lagagi iti o.

1 Timotius 1:9

Eberogonat he, wene Allah nen ninasuk wakhikhe wene iti, akhuni mothogon hagakharek meke hasik isikhe 'buk. Akhuni inasuk warek dek holu'buk hagakharek meke inom, Allah ina'it dogolik weak hagakharek meke inom, inebe Allah hasik 'bisigidek Allah ane thagalogo hagakharek meke inom, inopase inagosa lak inebe motok inakharek meke inom, akhuni aperek yugunat inebe debekhogon motok inakharek meke inom,

1 Petrus 4:18

Akhuni nen Allah ane baga men isukha, “Akhuni mothogon hagariogei meke, Allah nen tilinabusak dek hakene werekma, tilinabigin iti halok, it Allah ebe inakla meanetdiluk weak hagariogei meke iti nikithogon hagarinabigin apegep?” iluk holal waganogo 'bisukha.