Lukas 7:2 - ALLAH ANE WENW KET MEKE WAROGO WOKNINAKHIKHE WENE

² At uki ageikhemo, etoma ap tentara meke inoe kok ageikhe atuaneke etaiken hunik meke oba u motok weak nen, watlasusak negen welageikhe.

Lukas 7:2 Iomraidhean Croise

Matius 27:54

Nen, ap tentara meke inoe kok inom, agarumi aperek Yesus thuam welagoukha meke emenogo inom, dugul luk-lagathigik, yi meke ti meke hagatlageik, hagakhikhe emenogo inileken hasukhasik nen, inayuk motok ageikhesik, “Ap yi re, Allah a'but eberogonat higi o,” iluk isukha.

Lukas 23:47

Itithogon hagakhikhemo ap tentara meke inoe kok etnogo ileken hasikhesik Allah hogorakhe dogolik, “Ap yi eberogonat mothogon anek hagakhe laga meke higi o,” iluk isikhe.

Lukas 7:1

At Yesus nen akhuni doalegat emenogo wene itithogon tha'bokhogonat arat yogeisalok nen, o Kapernaum uki ageikhe.

Lukas 7:3

Itithogon werekma, ap tentara meke inoe kok etnogo Yesus abok asuk holhikhesik nen, atuaneke etnogo hagasisuagaluk, ap inarluetek Yahudi meke aperek yogeisalok nen, “Yesus ayoko lani o,” iluk la'isikhe.

La'isasikhe 10:1

O Kaisarea etoma ap opaki doalek tentara meke etaga ap Italia opaki doalek iluk ekhe lagoukha meke ap ageikhe inoe kok meke etaga Kornelius welageikhe.

La'isasikhe 10:7

Arat yogotluk nen, malaikat Allah nen yoko usa'isa agarek meke etnogo dukhisikhesik dageisikhemo, at Kornelius nen, atuaneke uma welageikharek meke inebe pere men, ap ageikhe ebe tentara, ekeragun meke Allah ebe hogorakhe dogolik Kornelius wolok nekhe lageikhe meke iti men, waisasikhe.

La'isasikhe 22:26

Yogokhunem, kok etnogo nen yoko ap tentara doalhe lagoukha meke inoe kok etnogo oba lageikhesik nen, “Hat nikithogon hagasigiluk egen meke nogo. Ap yi ebe o Roma aierek mekeat o,” iluk yogokhikhe.

La'isasikhe 23:17

Husupi yogosi ukisikhemo, at Paulus nen ap tentara meke kok ageikhe ebe waikhikhesik, men yogokhikhe, “Noe. Ap elege yi nen, hinoe kok etnogo wene ageikhe yogosusak werek o. Halok he, hat nen at oba wolok lan o,” iluk yogokhikhe.

La'isasikhe 27:1

It nen nit imake ku baga o Italia la'inanisuogoluk, wene arat palhukhasik nen, ap tentara doalegat Kaisar agarumi opaki doalhe lagoukha meke inoe kok etaga Yulius nen Paulus men, akhuni iniki herle warek meke aperek men, wogosik wisuagaluk iki baga 'bisukha.

La'isasikhe 27:3

Ukisugusik waga dogolik, hubenke o Sidon wagagu. Wagagusik, at Yulius etnogo nen, Paulus ebe akmutdisikhesik men yogokhikhe, “Hat yi meke ti meke aperek dek halok he, hagarlak lak nen wokhesuagaluk inoba ukilik lan o,” iluk yogokhikhemo lageikhe.

La'isasikhe 27:43

Itithogon inasuogoluk hagakhukha mekeat, it inoe kok etnogo nen Paulus tiligiluk nen, “Itithogon hagasusak dek o,” iluk wene palhikhe. Wene palhikhesik nen, “Kume hinilu meke tak pok hayokhogon ima usalok i aik oba dukhi lani o.

Kolose 3:22

Hit inatuaneke meke nagarlak lak nerugi. Hinougi agat oba meke nen, yi meke ti meke hagasuagaluk isinem, inebe inil oba halok inakla hanorogon hagakhik, dekma halok huk ageik, hagakhe dogogup o. At he, ninoe Etagapogot hinayukhogon hinetaiken opakiat dogolik, hinougi iti inane hologo hagarisekhe dogono.