Lukas 7:16 - ALLAH ANE WENW KET MEKE WAROGO WOKNINAKHIKHE WENE

¹⁶ Itithogon hagakhikhemo, akhuni doalegat emenogo inayuk agoukhasik nen, Allah hogorakhe dogolik, men isukha, “Ap kok Allah ane yoknisekhe dogogin meke ageikhe ninakla winam aga o!” iluk igik, nen, it aperek nen, “Allah nen a'buri tilninabigiluk waga yi,” iluk igik, isukha.

Lukas 7:16 Iomraidhean Croise

Matius 15:31

Itithogon hagarinakhikhemo, it akhuni emenogo inane dek meke inane huak igik, iniki inisok lapelek meke hano ageik, inisok ut warek meke hano atluk holak lageik, inileken puk meke hano atluk lageisigik, hagakhunem inileken hasukhasik nen, “Eiye! Nit akhuni Israel meke ninopase Allah nayuk e,” iluk hogorakhukha.

Matius 21:11

it akhuni doalegat emenogo nen, “Yi Yesus Allah ane yogeisekherek meke, ai o Galilea eloke o Nazaret meke etnogo waga yi o,” iluk yogeisasukha.

Matius 28:8

it humi emenogo oila etoma nen ibat laga dogolik inayuk agoukha mekeat he, yabokane inakla arleken motok akhilik akhilik, at agarumi ane waganhe lagoukha meke emenogo inoba pirlirliat yogeisa lagoukha.

Matius 9:8

Itithogon hagakhikhemo, it akhuni emenogo inileken hasukhasik inayuk agoukhasik nen, “Allah nenat yigithogon hagakhe dogoagaluk akhuni meke meldekhemo iti nayuk o,” iluk, Allah hogorakhukha.

Lukas 1:65

Itithogon hagakhikhemo, it akhuni inom welagoukha meke emenogo inayuk motok agoukha. Inayuk atluk, wene hagatlageikhe meke etnogo abok o Yudea tom oba meke etoma motok pilin-palinhogon yogeisilik lagoukhama wene iti kok arik lageikhe.

Lukas 1:68

“Nit akhuni Israel meke iti ninopase Etagapogot Allah nen ileken nisa agasik tilninakhemo iti nen, arat hogorakhe dogouok o.

Lukas 2:20

Nen, it ap domba hagasik weelagoukha meke emenogo inileken halok yabokane inapuke waga dogolik, “Wene malaikat nen yoknisega etnogo tak-tagat hagatlagama ninileken higik, ninasuk holhik, hagakho o,” iluk, Allah hogorakhik, heagei wakhik, hagarik wagoukha.

Lukas 24:19

at Yesus nen, “Wene iti nikithogon hagatlaga meke egen,” iluk yogokhikhemo, it eranogo nen, men yogokhukha, “Ap etaga Yesus, ai Nazaret meke iti, ebe Allah ane yogeisekherek mekeat dogolik, Allah il oba, nit akhuni tha'bokhogonat ninil oba, wene yogeisigik, yi meke ti meke hagakhik, obatnerogo hagakhe laga mekeat he,

Lukas 5:26

Itithogon hagakhikhemo akhuni emenogo inebe tha'bokhogonat inobakha palatluk, inayuk motok agoukhasik nen, men isukha, “Ninileken yogotak hogo iti, motok ninat meke hogo. Nayuk e,” iluk Allah hogorakhukha.

Lukas 5:8

Itithogon hagasigin apasikhe, at Simon etnogo Yesus elokhoma itibagal yukukhogon usasikhesik nen, “Noe! An weak hagakherek meke yi, yoma thogotdaniluk lan o,” iluk yogokhikhe.

Lukas 7:15

elege watlageikhe meke etnogo iluk ageikhesik hurek dogolik ane isikhe. Ane isikhemo Yesus nen elege etnogo agosa wogokhikhe.

Lukas 7:39

Itithogon hagakhunem, ap Farisi meke nen, Yesus ipisak hipiri nuogoluk ayoko 'bisikhe meke etnogo akla nen men apasikhe, “Ap yi Allah ane yogeisekherek meke dogolepma re, He yi weak hagakherek meke nen iki hakneekhe, iluk ekagat hutdilep o,” iluk itithogon akla apasinem,

Lukas 8:37

Itithogon yogeisasukhama, it akhuni o ukul Gerasa meke men, o aliluke meke men, inebe tha'bokhogonat inayuk weak agoukhasik nen, Yesus men yogokhukha, “Yesus. Hat hebe ninom yoma dogosak dek. Lan o,” iluk yogokhukha. Itithogon yogokhukhama, at Yesus ku akla ukiluk ku warogo apuke wageikhe.

Lukas 9:19

“It aperek nen, Yohanes ima usa'isekhe lageikhe meke etnogo igik, it aperek nen, Elia at o, igik, it aperek nen, It ap haganeat Allah ane yogeisekhe lagoukha meke emenogo meke ageikhe iluk agasik werek o, igik, iliogei o,” iluk yogokhukha.

Yohanes 1:21

Itithogon yogeisasikhemo it nen, men yogokhukha, “Halok he, hat hebe tha nogo? Hebe Elia a?” iluk yogokhukhama, at nen, “An nebe at iti 'buk, ninat o,” iluk, yogeisekhe lageikhemo, it nen men yogokhukha, “Halok he, ap ageikhe Allah ane yoknisekhe dogoagaluk ayoko 'biluk la'isigin isikhe etnogo a?” iluk yogokhukhama, at nen, “Iti an degat o,” iluk yogeisasikhe.

Yohanes 1:25

“Hat nen, An nebe, Allah nen akhuni tilninabuagaluk ayoko 'biluk la'isigin isikhe etnogo dek o. Nen, Elia degat o. Nen, Allah ane yoknisekhe dogoagaluk la'isigin isikhe etnogo degat o, egen meke re, nenaluk akhuni ima usa'isekhe lagan?” iluk yogokhukhama,

Yohanes 4:19

Itithogon pakhogon yogokhe lageikhemo, at he etnogo nen, men yogokhikhe, “Eiye. La'uk. Hat hebe, eberogonat Allah ane yogeisegetek meke higi, iluk arat hutdagagi o.

Yohanes 6:14

Itithogon ukharlogo 'bisukhama, at Yesus nen ebe hutduagaluk elalinat hagakhikhe meke iti, it akhuni inileken hasukhasikmo nogo nen, men isukha, “Ap ageikhe nen Allah ane agat oba yoma yoknisasigin isukha etnogo eberogonat, ebe yiat o,” iluk isukha.

Yohanes 9:17

Itithogon mikikhukhasik ap ileken puk meke hano hagakhikhe etnogo oba itema yabokane waganhe dogolik, “Hat nen, At nen nileken hano hagatnakhe iluk egen apigi. Halok he, hat nen ap iti abok nikithogon apekhe lagan,” iluk yogokhukhama, at nen he, “At ebe ap Allah ane yogeisegarek etnogo mekeat o,” iluk yogeisasikhe.

La'isasikhe 5:5

Itithogon yogokhunem, wene iti, at Ananias asuk holhikhesik nen, abusak tunhogo wilageikhesik nen ebe watlageikhe. Watlageikhemo, it akhuni inebe tha'bokhogonat wene hagatlageikhe meke iti, inasuk holhukhasik nen inayuk kogat agoukha.

La'isasikhe 7:37

Nen, akhuni Israel meke yogeisekhe dogolik, Allah nen ap at ane yokhisekhe dogoagaluk, ap hit meke ageikhe an meldanhikhe iti hak, yabokane meldigin etnaga o, iluk yogeisasikhe iti, at Musa nenat o.

Galatia 1:24

Itithogon holhe dogolik, an nobasik Allah hogorakhe lagoukha.