Lukas 6:8 - ALLAH ANE WENW KET MEKE WAROGO WOKNINAKHIKHE WENE

⁸ Itithogon inileken waganho werekma, at Yesus nen inakla apasukha meke ekagat hisalok nen, ap iki lapelek meke etnogo men yogokhikhe, “Hebe melatluk nen, tumo ya eme o,” iluk yogokhikhemo, ap etnogo melatluk nen, tumo eranogo melasi lageikhemo,

Lukas 6:8 Iomraidhean Croise

Matius 9:4

Itithogon apasukhama, at Yesus nen inobabut ekagat palhikhesik nen, men isikhe, “Hit hinakla nen wene korlo meke ebekhe lagap iti nenaluk?

Markus 3:3

Itithogon inileken waganhe korlek, at Yesus nen ap iki lapelek meke etnogo men yogokhikhe, “Hebe, melatluk, tumo ya eme o,” iluk yogokhikhemo

Lukas 13:12

Etoma werekma at Yesus nen, he etnogo ileken lakhalok nen, ane hakhasikhemo wageikhemo nen, men yogokhikhe, “Neru e! Hat hoba u nen arat hano asigin. Herle hakene warogo welagan etnogo, arat hisalaga o,” iluk itithogon yogokhikhesik nen,

Lukas 5:22

Itithogon apasukhama, at Yesus nen, it inakla apasukha meke ekagat hutdisikhesik nen, “Hit hinakla itithogon apekhe lagap iti nenaluk.

Lukas 6:9

at Yesus nen akhuni emenogo men yogeisasikhe, “An nen wene ageikhe hinok wokhisak. Niniki 7 baga Allah hasik werlegat dogolik, hano hagarinabusak a? Weak hagarinabusak a. Tilinabusak a? Inasusak a. Hit nen ini ta?” iluk

Yohanes 2:25

Akhuni inakla at ilu motok welagarek iti nen, akhuni aperek nen, “It aperek inobabut yigirlik,” iluk, at yogosusak motok erlok dek o.

Yohanes 21:17

Iki pere baga itema waganhikhesik nen yabokane ageikhe waganhikhe, “Simon Yohanes a'but nagot o. Hat nen an nebe hakmu a?” iluk, Yesus nen itema iki pere baga waganhikhesik nen, yabokane dagakhogon ageikhe baga, “Hat an nebe hakmu welagan a?” iluk yogokhikhe iti nen, akla korlo ageikhemo, at nen Yesus men yogokhikhe, “Noe. Hat he, yi meke ti meke tha'bokhogonat hilu o. Halok he, an nen noe hebe nakmu welagei iti, hat hilu o,” iluk yogokhe lageikhemo, at Yesus nen, men yogokhikhe, “Halok he, an nako domba hanorogon therisik dogono o,” iluk yogokhikhe.

Yohanes 9:4

ageikhe men yogeisasikhe, “Yabokane o mum asigin o. Itithogon mum agunem, akhuni nen yi meke ti meke hagasusak erlok dek asigin iti nen, at la'ani ageikhe meke hagakherek meke iti, o yogotak o lia werek korlek ya bagaat hagakhe dogouok o.

La'isasikhe 20:24

Itithogon mekeat he, an nebe niluk dogosak itiat kok iluk iti meke kogotdekhe lagei dek. Ninoe Etagapogot Yesus nen nayoko 'bekhe dogolik, at nen, Allah obabut hano nen hagarinakherek wene hano wene itiat yogeisilik lano o, iluk nayoko 'bisikhe itiat ilugun oba kobokhogon hagasigiluk kogotdekhe lagei o.

La'isasikhe 26:26

“Agripa noe. Wene yi tha'bokhogonat hat hilu iti nen, an hat hil oba nayuk dekhogon ekhe lagei. Wene iti, o limagoma hagatlageidek. Ekagat hagatlageikhe iti nen, wene iti ageikhe hat hokodek welagan, iluk nakla apekhe lagei dek o.

Filipi 1:28

It aperek nen, “Wene iti nina'it,” iluk, ekhe korlegat, hit anek he, hinayuk ageidek a'bethogon motok herogo dogono. Itithogon herogo dogogun iti baga, it iti nuk asugun iluk ekagat hagatlageik, hit tilhinabigin iluk ekagat hagatlageik, Allah nenat hagathinabiginat werek o.

Ibrani 4:13

Allah il oba, yi meke ti meke at nen walhasikhe meke ageikhe limago welagarek motok dek o. Meke re, at il oba, yi meke ti meke tha'bokhogonat, thelekma motok welagarek iti nen, nit hagakhe lago meke, at ilumo ninoba dopogat ninom ugun o.

1 Petrus 4:1

Akhuni yi aik ti aik halok, inebe watlatluk, yabokane weak hagakhe dogosak dek iti nen, at Kristus yi aik ti aik hilik hilik ebe watlageikhe iti hak, hit meneke, akhuni thin ikhalok inobabut hebelogo welageikharek iti hak, at Kristus obabut waganogo, yi aik ti aik hekhe dogolik hinobatnerogo dogono.

A'bikaka 2:23

Itithogon hagakhunem, it Allah a'buri o yi ai ti ai natogokharek meke tha'bokhogonat inileken halok nen, it nen, At Allah akhuni inakla ebekharek meke iti inom, inetaiken nen kagalharek meke iti inom, ilumo, akhuni ninebe tomok ninobabut hagakhorek meke tak-tagat wene ninoba 'bigik, oko woknisigik, hagasigin o, iluk, an hutdanuagaluk, it akhuni at he iti ane waganharek meke inebe inasiginat o.