Lukas 6:49 - ALLAH ANE WENW KET MEKE WAROGO WOKNINAKHIKHE WENE

⁴⁹ Itithogon mekeat, at tha nen an nane holhe dogoligat, mothogon hagariogo dek halok he, ap ageikhe o haligiluk herlaga baga 'bigidek halhikhemo, i itluk waga dogolik, o etnogo wakhikhemo, thatnakhogon wolok laga dogolik motok misak-dapukhogon weagatdisikhe iti hagat o,” iluk yogeisasikhe.

Lukas 6:49 Iomraidhean Croise

Matius 23:3

it nen yi meke ti meke hagasuagaluk yokhisekhe halok he, itiat hago dogolik hagakhe dogono o. Mekeat he, hagakhidek dogolik, it nen, Hit anek hagatni, iluk yokhisiliogei iti, it hagariogei iti hak inobabut waganogo hagakhe dogogup o.

Matius 24:10

Itithogon hagakhe korlek, it akhuni aperek inetaiken Allah oba hakotdisukha mekeat he, inebe doalegat inakla puk atluk, thogotdisalok dukhiluk, at ageikhe nen at ageikhe wasuagaluk wolok lageik, ageikhe nen ageikhe a'it nen anini oba 'bigik, hagasugun o.

Markus 4:17

Itithogon ibat waganharek mekeat he, wene iti inetaikenma omaken yakhidek nen, iniki pererlagat welageikharethek nen, akhuni aperek nen Allah ane iti hasik, yi aik ti aik inoba 'bigik, weagarinakhik, hagakhunem, inakla ibat puk ageikharethek nen, wene iti here'isalok dukhegarek itiat o.

Lukas 12:47

Ap atuaneke meke ageikhe akla nen, An noe nen, Itithogon hagarogo 'banilep, iluk akla apekherek meke ilu dogoligat, hagarogo 'bisigidek dogogin halok he, ap iti tugi u werek wasi isigin o.

Lukas 19:14

Laga korlek, it oe agot emenogo ap iti motok ina'it nen, wene palhukhasik, At ap iti ninoe kok etagapogot dogosak nina'it, iluk yogeisa lano, iluk, yoko oporlik la'isasukha.

Lukas 19:27

Itithogon yogeisasikhesik, It ap an ninom inathili meke hakene hagatnakhasik ekhe dogolik, At iti nit ninoe kok etagapogot dogosak nina'it, iluk ega meke iti inebe wogosik witluk nen, an nil oba yaat inasubageik o, iluk yogeisasikhe,” iluk at Yesus nen akhuni emenogo yogeisasikhe.

Lukas 6:46

Itithogon yogeisasikhesik nen, ageikhe men yogeisasikhe, “Hit an nen yokhisekhe lagei meke hagakhidek dogoligat, Noe, noe, iluk nenaluk yoknekhe lagap.

Lukas 7:1

At Yesus nen akhuni doalegat emenogo wene itithogon tha'bokhogonat arat yogeisalok nen, o Kapernaum uki ageikhe.

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

La'isasikhe 20:29

Meke re, yeke helo yeke anini weak meke nen domba here'isigidek motok nekerek iti hak, an nebe lalokma nen, it aperek nen Allah a'buri hit nen therisik welagap meke iti weagarinabi ukisugun meke werek o, iluk an nilu.

La'isasikhe 26:11

Itithogon ekhe dogolik, an o akhuni Yahudi meke sembayan egarekma dopok ukiluk, it inetaiken Yesus oba hakotdiluk welagoukha meke here'isoagaluk nane obatnerogon yogeisigik, yi aik ti aik hagarinakhik, hagakhe dogolik, nakla aga apik dageikhe dogolik, it aperek o walegat ilugun-ilugun etoma meke mugusik laga lagagiat,” iluk yogokhikhe.

1 Tesalonika 3:5

Iti nenat, at Iblis ninakla kagalherek meke etnogo nen hinakla kagali isumo, nit nen hit hinobasik thereak-moreak hagakhe lagagu etnogo we yugunat alomatlasusak iti na'it o, iluk nelabut hisik dogolik, netaiken thebelusak erlok dek agama nen, “Inetaiken Kristus oba hakokthegat werek a? Dek a,” iluk at Timotius nen hinobabut paliluk nen, yoknisi isuagaluk, hinoba la'i agei iti o.

2 Petrus 2:20

Akhuni agat oba weak hagakharek meke yoma here'isalok, lo dukhitluk nen, ninoe Etagapogot Yesus Kristus tilninakhikhe meke ebe inilu atlugat, yabokane inapuke weak hagakharek meke iti oba ukugunem nen, mul erloma ukugunem inebe ha'isalok hagakherek hak, hageinabumo erlok degat asugun iti. Erlok degat atluk, alep weak welagoukha iti, hemurlugat hano negen. Meke re, yabokane weak asugun iti, motok kok negen weak atluk dogogun o.

1 Yohanes 2:19

It akhuni iti inebe re, nit meke palek mekeat he, it inebe eberogonat nit werekmake meke dek o. It inebe eberogonat nit werekmake meke dogolepma re, inebe nit ninom motogat dogolo. Meke re, it iti inebe tha'bokhogonat nit meke dek, ninat meke ekagat hagatlasuagaluk dukhisukha iti o.