Lukas 6:45 - ALLAH ANE WENW KET MEKE WAROGO WOKNINAKHIKHE WENE

⁴⁵ Akhuni nen yi wene ti wene inapema nen egarek iti, inakla kerlekhogon dogolik, kagalogo dagei agunem egarek o Inobabut hano meke inakla hano meke kerlekhogon dogolik, wene hano mekeat dukhi ageikharegat. Mekeat he, akhuni inobabut weak meke inakla weagat dogolik, wene weak mekeat dukhi ageikharek o,” iluk yogeisasikhe.

Lukas 6:45 Iomraidhean Croise

Yohanes 7:38

Nen, tha nen etaiken an noba hakotdekhe halok, i inilugurinakherek meke at akla nen elesi hunak-hunak palogo dukhekhe dogogin o, iluk Allah ane holal waganek oba isukha hagat, hagatlasigin o,” iluk

La'isasikhe 5:3

'Bi ageikhemo, at Petrus nen, “Ananias. Iblis nen hakla kagalhemo Allah Agoreke nukhetdiluk agat oko ebetlake mikirlogo hekaerek hasik 'bakhalok wagan iti nenaluk.

Efesus 3:8

Allah a'buri meke tha'bokhogonat inetaga werek hak werek korlegat, an netaga dek, erlok dek meke, at Allah obabut hano nen, hano wene pilinerogo usak erlok dek meke, Kristus nen wogeisekherek etnogo akhuni itikmanke meke yogeisilik nekhe dogoagaluk nayoko 'biluk nayabu iti woknikhikhemo welagei.

Efesus 4:29

Wenekak uogoluk halok he, weak meke ekhe dogogup o. Wene hano meke isinem it aperek inetaiken aban meke inasuk holugun meke iti Allah nen hanorinakhunem, inetaiken horle asuagaluk, wene hano meke anek ekhe dogono o.

Efesus 5:19

Hit-hit wenekak ekhe dogolik, etai Mazmur meke igik, etai Allah meke igik, etai Allah hogorakharek meke igik, wakharek meke itiat waganiluk ekhe dogono. Hinetaiken oba nen etai isa igik, ekaka igik, wakhe dogolik, ninoe Etagapogot ebe hogorakhe dogono.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

Kolose 4:6

Hinane yi meke ti meke hasik it aperek yogeisekhe dogolik, yi meke ti meke mayu hilhunem ituk hano egarek hak, “Wene iti hano,” iluk, waganuagaluk, hinane eanerogon yogeisekhe dogono. Itithogon yogeisugunem, it hinoba hinok waganhunem, wene oko inebe dopok yogeisobageik nen, hinilurogon dogono.

Ibrani 8:10

Yabokane akhuni Israel wene ket meke warogo woginabigin iluk igi iti, ebe yiat. An nen wene inasuk wakherek meke iti inakla eberek motok dogoagaluk, wogeisigik, inetaikenma holal waganogo 'bisigik, hagatluk nen, an it inopase dogogin. Nen, it an na'buriat dogogun o.

Yudas 1:15

Usatluk akhuni tha'bokhogonat wene inoba 'bigik, kokhik, hagakhe dogolik, it akhuni Allah ebe ina'it meke inebe tha'bokhogonat wene inoba 'bigin o. It Allah ebe ina'it dogolik, yi weak ti weak hagariogei meke dopok wene inoba 'bigik, Allah ina'it nen weak hagakhe dogolik inane puk weak at abok weak paliogei meke iti inebe dopok ukum inoba 'bigik, hagasigin o,” iluk isikhe.