Lukas 6:44 - ALLAH ANE WENW KET MEKE WAROGO WOKNINAKHIKHE WENE

⁴⁴ Yi o ti o iti, eken ikherek iti baga erlo ekagat hutdegarek. O pati arlok weak mekeat he, eken o ara hano meke eken hakene ageikhe itlukmo palharek motok dek. Iti hak, o mun mekeat he, eken anggur eken hano meke itlukmo palharek motok degat.

Lukas 6:44 Iomraidhean Croise

Matius 12:33

Itithogon yogeisasikhesik ageikhe men yogeisasikhe, “O eken hano meke erlo hano meke nenat ikherek. Nen, o eken weak meke iti, erlo weak meke nenat ikherek. Itithogon ikherek iti baga, o eken yi hano meke eken igik, yi weak meke eken igik, ekagat hutdegethep o.

Matius 7:16

Yi o ti o eken ikherek iti baga, erlo ekagat hagatlagarek iti hakene, it nen hagathinabugun iti baga, inobabut ekagat hagatlasigin iti. O pati hakene arlok weak mekeat, eken anggur hano meke eken hakene itlukmo palharek nogo? E a, at he, herle mul arlok weak mekeat he, eken o ara hano meke eken hakene itlukmo palharek nogo? Dek o.

Matius 7:20

Itithogon hakene, it akhuni itithogon hagathinabugun iti baga, inobabut ekagat hinilu asugun o,” iluk yogeisasikhe.

Yakobus 3:12

Nagarlak lak nerugi. O ara meke nen o zaitun eken isusak a? Nen, o anggur meke nen o ara eken isusak a? Iti hakeneat, i ilueagei elesimo nen, i werlek agei meke ageikhe dukhusak a? Motok erlok degat o.

Yudas 1:12

Hit hinagarlak lak hinerugi inebe hinakmu nen hipiri hinom opakimo natogorlogo isago nukunem, it ap iti inekarli degat hinoba ukitluk nen, akhuni aperek therisik welageidek inekaerek hasik anek oba ebekhe dogolik hinom neke lagap iti, weak o. Su hano morla werekma mirli meke oba dabulagarek iti hak, hinom weak neke lagap iti o. Inebe re, oisa miso nigin dek mekeat hisakne nen obatneak wolok lagarek iti hak lageikharek o. Nen, ageikhe, o eken ikhidek, eka motok dek atlukmo, omaken inom henukhunem motok puk agarek iti hak werek o.