Lukas 6:43 - ALLAH ANE WENW KET MEKE WAROGO WOKNINAKHIKHE WENE

⁴³ Itithogon yogeisasikhesik nen, yabokane ageikhe men yogeisasikhe, “O erlo hano meke ageikhe eken weak meke ikherek dek. Iti hak, o erlo weak meke eken hano meke ageikhe ikherek degat.

Lukas 6:43 Iomraidhean Croise

Matius 12:33

Itithogon yogeisasikhesik ageikhe men yogeisasikhe, “O eken hano meke erlo hano meke nenat ikherek. Nen, o eken weak meke iti, erlo weak meke nenat ikherek. Itithogon ikherek iti baga, o eken yi hano meke eken igik, yi weak meke eken igik, ekagat hutdegethep o.

Matius 3:10

O erlo dopok eken hano meke ikhidek halok, mukhogo hetumo la'isagaluk pisue o omaken oba pakpakthek motok werek o,” iluk yogeisasikhe.

Lukas 6:42

Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.