Lukas 6:42 - ALLAH ANE WENW KET MEKE WAROGO WOKNINAKHIKHE WENE

⁴² Hinekaerek hinilekenma o kok meke palek harokthek werek iti higidek dogoligat, hinagarlak lak hinerugi iti yogeisekhe dogolik, Amumuleke hilekenma ukekhe meke iti wokheak o, iluk usak apegep? Hinoado baga anek hano thalek hinetaiken pere welagap yi re! Hinekaerek hinilekenma o palek kok meke harokthek werek iti tak wokhakhalok nen, hinileken arat 'bekelaga halok he, yabokane hinagarlak lak hinerugi inilekenma amumuleke werek meke iti, erlok wokhageinat o,” iluk yogeisasikhe.

Lukas 6:42 Iomraidhean Croise

Matius 26:75

Thue ayam ane arat isikhemo, at Petrus nen, “I. Yesus nen yoknekhe dogolik, Thue ayam ane igidek werek korlek, hat nen, Yesus nokodek o, iluk hiki henagan oba la'beligin, iluk yoknekhe etnogo ebe arat la'belhi yi higi,” iluk, akla ebetdiluk dukhisikhesik nen, etaiken hisogo de ageikhe.

Matius 7:3

Hit hinekaerek hinilekenma o kok obakha palek meke werek iti 'bikhakhigidegat, it hinagarlak lak hinerugi aperek inilekenma amumuleke 'bugurlagat meke ukiluk werekma wokhauwogoluk kolageisekhe lagap iti nenaluk.

Matius 7:4

Hinekaerek hinilekenma o kok meke palek harokthek dogoligat, hinagarlak lak hinerugi iti yogeisekhe dogolik, Hilekenma amumuleke ukekhe meke iti wokheak, iluk usak nogo?

Lukas 13:15

at ninoe Etagapogot nen, ap etnogo men yogokhikhe, “Hit hinoado baga anek hano thalek dogolik, hinetaiken pere meke yi re! Hit hinebe tha'bokhogonat niniki Allah hasik werlegat dogolik meke re, hinako sapi a, keledai a, ai halekma nen, thu hualogo herle hisalogo ula'isalok nen, i noagaluk wogosik lagathep dek nogo? Wogosik lagathebat o.

Lukas 22:32

hat hetaiken noba hakotdiluk welagan meke iti obatne dek asinogo iluk, hat hobasik an Allah ayoko arat 'bigima. Hobabut hebelagan halok he, hagarlak lak yoma hat nen inetaiken ago watdisekhe dogono o,” iluk yogokhikhe.

Lukas 6:41

Hit hinekaerek hinilekenma o kok obakha palek meke harokthek werek iti 'bikhakhigidegat dogolik, it hinagarlak lak hinerugi aperek inilekenma amumuleke 'bugurlagat ukiluk werekma wokhauwogoluk hinileken kolageisekhe lagap iti nenaluk.

Lukas 6:43

Itithogon yogeisasikhesik nen, yabokane ageikhe men yogeisasikhe, “O erlo hano meke ageikhe eken weak meke ikherek dek. Iti hak, o erlo weak meke eken hano meke ageikhe ikherek degat.

La'isasikhe 13:10

men yogokhikhe, “Hat hebe Iblis a'but yi re! Akhuni dalinakhik, nukhetdisigik, hagakho motok dogolik, yi meke ti meke mot hagasuogoluk hagakhunem, hat nen degetdigiluk hagakho motok welagan yi re! Ninoe Etagapogot nen, akhuni tilninabigiluk holak mothogon ya'inanhikhe meke, hat nen huk ageidegat korlotdigiluk hagakho motok welagan iti nenaluk.

La'isasikhe 2:38

Itithogon yogeisasukhama at Petrus nen, “Weak hagakhe lagap meke iti here'isalok hinobabut hebelatni o. Itithogon hinobabut hebelasumo nen, weak hagakhe lagap meke iti, Allah nen thagalogo degetduagaluk hinebe tomok Yesus Kristus etaga palogo ima usa'inaguak. Itithogon hagasumo nen, Allah Agoreke iti wokhisagein o.

La'isasikhe 8:21

Allah il oba hakla motok weak ebekhe lagan iti nen, nit hagakhe lago iti, hat ninom ite asusak dek o.

Roma 2:1

Iti halok he, hit nagarlak lak nerugi yi. Wene it aperek anek inoba 'bekhe dogolik, hit hinekaerek hinoba korasak erlok dek o. Itithogon wene it aperek inoba 'bekhe dogoligat, hit nen it hinom ipisak tak-tagat hagakhe lagap yoma re! Hinekaerek nen wene hinoba motok 'bakhekhe lagap o.

2 Korintus 5:18

Meke re, yi meke ti meke iti tha'bokhogonat at Allah nenat hagakherek o. At nenat Kristus hagakhikhe iti baga, Allah ekaerek ninom dapukhogon 'binanhikhe. Itithogon 'binanhikhesik nen, akhuni aperek at inom inapuke dapukhogon 'bisagaluk wene iti nit nen yogeisilik nekhe dogoagaluk nit ninoba 'bisikhe.

2 Timotius 2:21

Iti hagat, tha nen ekaerek nen weak hagakherek meke iti horogo here'isalok, ebe Allah hasik 'bisalok werekma, at nenat yi meke ti meke hano meke hagasigiluk, “Arat hano,” iluk ayoko 'bigin iti.

2 Petrus 1:9

Itithogon mekeat he, it hit meke aperek nen inobabut iti meke ite ageidek dogogun halok he, inileken agot atluk thalek werek. Itithogon dogolik, it nen, “Weak hagakhe lagagu meke, Allah nen thobalninakhikhe,” iluk usak mekeat he, at obarlikmatdiluk werek iti.