Lukas 6:29 - ALLAH ANE WENW KET MEKE WAROGO WOKNINAKHIKHE WENE

²⁹ It aperek nen hinelokhoken ebelake dapukhogon hinakho halok he, ebelake inom hinasuagaluk wogeisani o. Nen, it aperek nen hinasu thogei su itikmanke meke iti horlekhe halok he, hinasu akmanke meke iti inomat horloak nen, irlirli waganhup o.

Lukas 6:29 Iomraidhean Croise

Matius 26:67

Itithogon yogokhukhasik nen, wosi oba suphogon 'bigik, tugi wakhik, iniki agot tugi tamuk-hamukhogon wakhik, hagakhe dogolik,

Lukas 22:64

ileken labetdiluk nen, “Tha nen hakhe nogo. Yoknisan ta!” iluk yogokhik,

Lukas 6:30

It akhuni nen kino yokhisekho halok, inebe dopok wogeisekhe dogono. Nen, it nen hinamek waganho halok, yabokane, Woknisani, iluk kino yogeisugup o.

Yohanes 18:22

ap Allah ai halek therogo welageikharek emenogo meke ageikhe ebe eta metek dogolik, at Yesus iki agot tugi wakhe dogolik men yogokhikhe, “Ap Allah iteerek meke inoe kok yi nen yokhugunem, hat nen wene itithogon yogosusak a? Erlok dek o.” iluk yogokhe lageikhemo,

La'isasikhe 23:2

ap Allah iteerek inoe kok meke etaga Ananias nen, it ap aperek Paulus alilu welagoukha meke nen ape thaukhogon wasuagaluk yogeisasikhe.

1 Korintus 4:11

Nit o haganeat eloma nen yogotak hurli, hipiri inom, i inom, abuat welagorek. Itithogon dogolik, ninasu degat werekma tugi ninakhe korlek, ninaila dekma, yi ai ti ai lagorek.

1 Korintus 6:7

Hit-hit hinagarlak lak hinerugi hinom mekeat he, hinom wenemuk-wenemuk motok welagap iti nen erlok degetdakhekhe lagap o. Hit he, weak hagathinakhunem hinobakhanini hapugutdiluk dogoumo weak a? Alomathinakha halok here'isaumo weak a? Hano o.

2 Korintus 11:20

Itithogon hagakhethep iti baga, hit hinebe it nen inapma 'binagaluk, hinapiri motok tha'bokhogon nikik, hinameke iniki abusak horligik, “Hit erlok dek meke re, nit anek he, kok,” iluk inekaerek nen inakeke 'bakhigik, hinelokhoken dapukhogon hinakhik, hagakhe korlek hinobakhanini hapugutdiluk welagap yoma re!

Ibrani 10:34

it aperek herle warogo kola'isugunem hinakmurinakhik, hagakhe lagagip iti o. Itithogon hagakhe dogolik hinakla nen, “Nit meke hano motok dogogin meke werek o,” iluk apekhe dogolik, hit meke yi meke ti meke horlugunem hinakla weak ageidek hinakla arleken akhekhe lagagip iti.