Lukas 6:26 - ALLAH ANE WENW KET MEKE WAROGO WOKNINAKHIKHE WENE

²⁶ It ap yoma inopa lak nen, it ap aperek Allah ane yogeisegarek meke thalek nukhetdisasi korlegat, hogorinakhe lagoukha hak, akhuni tha'bokhogonat nen hogothinakho halok, eiye! Weagathinabigin o,” iluk yogeisasikhe.

Lukas 6:26 Iomraidhean Croise

Matius 7:15

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o.

Lukas 6:25

Nen, hit aperek yogotak elanma hasik anek hinelabut hina'ithogon neke lagap meke yi. Eiye! Yabokane hipiri no hugun o. Nen, hit yogotak elanma hasik anek eto aga lagap meke iti. Eiye! Hinetaiken warekhe dogolik de asugunat o.

Yohanes 15:19

Hit hinebe akhuni agat oba meke dogolepma re, it akhuni agat oba meke nen he, It nit ninagarumi, iluk inetaiken hunik hagathinabilep mekeat he, hit hinebe it akhuni agat oba meke werekma wenakhinakhigisik nen wokhinakhigisikmo hinebe it meke welagap 'buk. Iti nen, ina'it motok hagathinabiogei o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

Roma 16:18

It iti, ninoe Etagapogot Kristus apma dogolik, at hasik hagariogei 'buk. We, inekaerek inakla warlok meke hagariogei o. Itithogon hagakhe dogolik, inane hano igik, enago igik, ekhe dogolik, it akhuni aperek inobabut, “I o,” anek egarek meke iti nukhetdisiliogei iti.

Yakobus 4:4

Humi nen inaguni inil la'belharek iti hak, Allah il la'belogo hagakhe lagap iti re! Akhuni agat oba meke yoma inobabut inikhogat dogolik hagariogei meke iti hinom hunik welagap halok, Allah hinom wim palek hakeneat welagap iti, hinokodek a? Hit aperek nen akhuni agat oba meke yoma meke inobabut inikhogat dogolik hagariogei meke iti hinom hunesuogoluk hagakhe lagap halok he, hinekaerek nen at Allah hinom wim kagalhe lagap o.