Lukas 6:22 - ALLAH ANE WENW KET MEKE WAROGO WOKNINAKHIKHE WENE

^22-23 Nen, it ap yoma inopa lak nen, it ap alep Allah ane yogeisekhe lagoukha meke hagarinakhe lagoukha hagat, hit yogotak an abat itaklasi agagi etnogo nane waganhep iti nen ina'it motok hisekhe dogolik, hit anek kolelogo 'binagagik, inane puk weak wenageisigik, Ap yi weak, iluk hinetaga ekhe dogolik hinabok weak palhik, itithogon hagathinakho halok, oko wokhisagein meke pogot oba doalegat werek iti nen, hinakla arleken akhekhe dogolik hologot hilik hilik etai warekhe dogono.

Lukas 6:22 Iomraidhean Croise

Matius 10:18

Itithogon hagathinabugun iti, erlo an nebe hasigat, ap inetagapogot meke inom, ap koktek meke inom, inoba wokhisik lagunem, hit nen it ap iti inil oba an hagakhunem hinileken neekhe lagap meke etnogo pakhogon it yogeisigik, akhuni itikmanke meke yogeisigik, yogeisoagaluk hano iluk iti bagaat hinitema waganugun etnaga o.

Matius 10:22

Nen, akhuni tha'bokhogonat nen an netaga ilik, Hit at agarumi, iluk ina'it motok hisagun o. Mekeat he, tha nen etaiken thebekhogon obakhanini hapugutdiluk dogogin halok he, o ilugun hurli baga, Allah nen tiligin o.

Matius 10:39

Tha nen ekaerek ebe irlirli horlagein halok he, ebe watlatluk nuk akhagein o. Meke re, tha nen an nobasik watlasigin halok he, ebe irlirli horlagein o,” iluk yogeisasikhe.

Lukas 20:15

a'but etnogo anggur ai yagoma nen po leget akhane ula'iluk nen, ebe motok wakhukha. It itithogon hagakhukha iti nen, at kok wen iteerek etnogo nen, it ap iti nikithogon hagarinabigin apegep.

Lukas 21:17

Nen, it akhuni tha'bokhogonat nen, an netaga ilik, Hit at agarumi, iluk hinebe ina'it motok hisagun.

Lukas 6:21

Nen, hit yogotak hinakla abu negen welagap meke, yabokane wokhisugunem hina'ithogon nugun iti nen, hinakla arleken akhekhe dogono o. Nen, hit de aga lagap meke yabokane eto asugun iti nen, hinakla arleken akhekhe dogono o.

Yohanes 12:42

Wene itithogon isikhemo holal waganek werek mekeat he, it ap koktek Yahudi meke aperek inebe doalegat, inetaiken Yesus oba hakotdisukha mekeat, it nen yigithogon hagakhe lagoukha, “It ap Farisi meke nen o sembayan egarekma nen niniki korlo lisogo ula'inaninogo,” iluk, “Ninetaiken Yesus oba hakotdogo,” iluk akhuni inil oba pakhogon ekhe lagoukha dek.

Yohanes 16:2

Akhuni nen o sembayan egarekma nen hit hiniki korlo lisogo ula'inagagunat o. Nen, yabokane it akhuni hit hinasugun meke inebe dopok inakla nen he, Allah hasik hano inakho, iluk, ugun meke weregat o.

Yohanes 17:14

Hat hane etnogo it arat yogeisigi o. Nen, an nebe akhuni agat oba meke yoma inagot dek iti hak, it itithogonat inebe akhuni agat oba meke inagarumi dek iti nen, it akhuni agat oba meke nen ina'it motok hagarinabiogei o.

Yohanes 7:7

It akhuni agat oba meke nen hit halok he, ina'it motok, hagathinabiogei dek mekeat he, an nen, It hagakharek iti weak motok, iluk egerek iti nen, anat ina'it motok hagatnabiogei o,” iluk yogeisasikhesik,

Yohanes 9:34

it nen he, men yogokhukha, “Hat hobabut weagat itaklagagitik, weak motok hagakhetek mekeat, hat nen wene nit yakulnisausak a? Motok erlok dek o,” iluk yogokhukhasik nen, o sembayan egarekma nen iki korlo lisogo leget itikmanke ula'isukha.

La'isasikhe 22:22

Paulus nen itithogon yogeisilik wagunem, it emenogo inasuk hano holek welagoukhasigat, hurli eta hurli baga isinem inane kokhogonat men isukha, “Ap obabut yigirlik, agat oba iluk dogosak dek. Wasuok o! iluk”

La'isasikhe 24:5

Ap yi nen, akhuni weagarinabik nukhunem, obabut palho. It akhuni ap Nazaret meke etnogo oporlik liliogei meke inoe kok dogolik, akhuni Yahudi meke o yi ai ti ai welageikharek meke tha'bokhogonat inakla kagalik liliogo.

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

Yakobus 1:12

Hit aperek yi akin ti akin hinoba aga korlek, hinobakhanini hapugutdiluk dogogun halok, hinakla arleken akhekhe dogono o. Itithogon hinobakhanini hapugutdiluk dogogun halok, Allah nen he, “An nebe hinakmu meke hiniluk motok dogogun meke wokhisagein o,” iluk, abok yoknisasikhe etnogo hit hinobabut palogo nenat wokhisagein o.

1 Petrus 3:14

Mekeat he, mothogon hagakhunem weagathinakha halok, yi aik ti aik hekhe dogolik, hinakla arleken akhekhe dogono. Hinayuk asuagaluk hagathinakhunem, hinayuk atluk hinakla wene munini uan 'bero ebekhup o.