Lukas 6:19 - ALLAH ANE WENW KET MEKE WAROGO WOKNINAKHIKHE WENE

¹⁹ At obatneak akla welageikhe meke dukhi agunem, it akhuni inebe doalegat itithogon hano hagarinabuagaluk, inebe tha'bokhogonat iniki hakhauwogoluk walhasukha.

Lukas 6:19 Iomraidhean Croise

Matius 14:36

it nen Yesus asu ilugun anek iniki hakhauwogoluk kino iluk asu etnogo iniki hakhasukha meke inoba hano agoukha.

Markus 5:30

Itithogon hutdekhe korlek, at Yesus akla nen, “Eiye! An nobatnerogon elalin hano hagarinakherek etnogo meke nakla nen akhuni aperek inoba laga ekagat higi,” iluk eranogoat hutdisikhe. Hutdisikhesik nen akhuni doalegat emenogo ileken dagakhogon 'birisasikhesik nen, men yogeisasikhe, “An nasu tha nen iki hakhekhe,” iluk inoba hinok waganhikhe.

Markus 6:56

At Yesus ebe o ukul kokma ukigik, o 'bugurlagatma ukigik, o asokneat ponhogo halekma ukigik, hagakhunem, it akhuni nen it aperek inoba u warek meke wogosik o silimo 'bisa aga lagoukha. 'Bisa aga lagoukhama it nen, “Yesus, hasu ilugun anek niniki hakhauwok a?” iluk inane ina'buarek inane yogokhukhasik, it at asu iniki hakhasukha meke tha'bokhogonat inoba hano agoukha.

Markus 8:22

Yesus agarumi inom wene itithogon ilik ilik o Betsaida italhukha. Italhukhama it akhuni o etoma meke nen, ap ageikhe ileken puk meke Yesus nen iki hakhoagaluk oba wolok wagoukhasik nen, inane ina'buarek inane yogokhukha.

Lukas 5:17

Iniki ageikhe baga, at Yesus wene yakulisekho werekma, it ap Farisi meke inom, ap Allah ane holal waganek meke yakulisekhe lagoukha meke inom, inai o Galilea eloke nen, Yudea nen, kota Yerusalem nen, oba wagoukhasik inasuk holek hurek werekma, ninopase Etagapogot nen akhuni u weak meke Yesus nen hagarinakhe dogoagaluk obatne wogokhe korlek hano hagarinakhe lageikhe.

Lukas 6:18

it nen at Yesus ane holhik, at nen it u weak meke hano hagarinakhik, hagasuogoluk at oba natogosi agoukha. Itithogon natogosi agoukhama, mokat obabut weak meke inakla ukiluk werekma inomat hagarinakhikhe.

La'isasikhe 19:12

Hagarinakhunem, su at Paulus dikak hokherek meke he a, asu ebe meke elokhoken weak asinogo iluk itikmanke ikhe lageikha meke he a, akhuni nen wolok, it u waganhe lagoukha meke inoba 'bi lagunem nen, u hano ageik, mokat inobabut weak meke inakla ukiluk welageikhe meke mukhogo dukhigik, hagakhe lageikhe.

1 Petrus 2:9

Meke re, hit anek he, “At Allah nen hano hagatninabiogo,” iluk abok yogeisilik loagaluk, hinebe o mummo werekma, at ebe elalinat lia motok welagarek oba wisuagaluk hinayoko 'bisikhesik, hti at a'buri asuagaluk wenakhinakhik, at ebe iteerek koktek dogoagaluk meldinagagik, hinukuloak etaga at ekaerek ukuloak etaga meke thalogo 'binagagik, “Nekaerek na'buri,” iluk hinebe wokhinakhik, hagakhikhe iti.