Lukas 6:13 - ALLAH ANE WENW KET MEKE WAROGO WOKNINAKHIKHE WENE

¹³ O wi ageikhemo nen, at agarumi ane waganhe lagoukha meke emenogo waisasikhemo wagoukhama nen, it meke inebe 12 wenago 'bisasikhesik nen, “Hinebe la'inagagin,” iluk meldisasikhe.

Lukas 6:13 Iomraidhean Croise

Matius 10:2

Ap inebe 12 oba iti, inetaga yi: ebekeram, Simon etaga ageikhe Petrus ekhe lagoukha etnogo agot Andreas ipisak inom, Zebedeus a'but Yakobus etnogo agot Yohanes ipisak inom,

Matius 19:28

at Yesus nen, “At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o.

Matius 9:36

Itithogon hano hagarinabik nekhe dogolik, akhuni doalegat ileken lageisalok nen, “Ap domba therisek welageikharek hak, it yoma ap therisek dogou meke inebe dek nen yugunat thirlik-pirlikhogon thet yagalek liliogei yoma nakmu lak o,” iluk akmurinakhikhe.

Markus 6:30

It ap Yesus nen inayoko 'biluk la'isasikhe meke emenogo inapuke at oba natogosi agoukhasik nen, men yogokhukha, “Nit nen yigithogon hagakho, tigithogon hagakho. Wene yigithogon yakulisogo, tigithogon yakulisogo,” iluk motok pilinogo yogokhukha.

Markus 6:7

Itithogon yakulisilik nekhe dogolik, ap inebe 12 nen emenogo waisasikhemo wagoukhama, inebe peretek dopokhigik la'isagaluk inayoko 'biluk, mokat inobabut weak meke akhuni inakla ukisukhasik werekma mukhogo ula'isilik loagaluk, at obatne wogeisasikhe.

Lukas 11:49

Itithogon hagakhethep iti nen, at Allah akla kagalek motok etnogo nen ekhe dogolik, An nen it ap an nane yogeisegarek meke men, inayoko 'biluk la'isa agarek meke men, it akhuni aperek inoba la'isa agunem, it nen inebe ebetlake inakhik, ebetlake yi aik ti aik hagarinakhik, hagasugun o, iluk isikhe tak-tagat,

Lukas 6:14

Ap inayoko 'bisasikhe eta inetaga Simon etaga ageikhe Petrus thalhikhe meke etnogo men, agot etaga Andreas men, Yakobus men, Yohanes men, Filipus men, Bartolomeus men,

Yohanes 4:33

at agarumi ane waganhe lagoukha meke emenogo nen it-it hinok waganhe dogolik, men isukha, “Akhuni nen yi meke ti meke ageikhe at noagaluk wogosi ageikhama nen ekhe he a?” iluk isukha.

La'isasikhe 1:13

Uki agoukhasik, uma etoma ukisukhasik nen, o henaipu welagoukhama etomaat dageisukhasik welagoukha. It iti inebe Petrus men, Yohanes men, Yakobus men, Andreas men, Filipus Tomas ipisak men, Bartolomeus Matius ipisak men, Alfeus a'but Yakobus iti men, Simon, “O yoma ninaierek meke anek dogogun,” iluk ekhe lageikhe meke iti men, Yakobus a'but Yudas iti men, inom welagoukha.

Efesus 2:20

At Kristus Yesus ebe o herlaga kok hakene la'iluk werekma, it ap at nen inayoko 'biluk la'isasikhe meke emenogo inom, it ap Allah ane yogeisiliogei meke emenogo inom nen, oba dukhogon halhe lagoukhama, hit hinebe nit nen oba dukhogon halogo 'binagasugumo welagap o.

Efesus 4:11

Nen, supusogo usa'isa ageikhe iti ebe, nit Allah a'buri ninebe tha'bokhogonat Kristus ebe hakene werekma, o halharek hak halogo 'binanhunem, ninebe tha'bokhogonat Allah hasik hagakhe dogoagaluk, ninebe tomok ninayoko 'biluk meldinanik lageikhe iti o. It aperek Allah ane wolok loagaluk inayoko 'bigik, it aperek Allah ane yogeisekhe dogoagaluk inayoko 'bigik, it aperek hano wene akhuni itikmanke hasik yogeisilik loagaluk inayoko 'bigik, it aperek Allah a'buri therisik dogolik wene yakulisekhe dogoagaluk inayoko 'bigik, ninebe tomogat itithogon ninayoko 'bisikhe iti o.

Ibrani 3:1

Iti nen, Allah a'buri ekaerek hasik wenago 'binageikhemo welagap meke nagarlak lak nerugi. At Allah pogot oba nenat hit ninomat ninayoko 'bisikhemo wene waganhugusik pakhogon ekhe lago iti hasik, at Yesus ebe Allah iteerek ninoe kok dogoagaluk, Allah nenat la'i ageikhemo werek iti halok, hit hinetaiken oba nenat hutdekhe dogono o.

2 Petrus 3:2

Wene iti, it ap haganeat Allah nen inayoko 'bisikhemo at ane yogeisekhe lagoukha meke nen isukhaat. Nen, ninoe Etagapogot ninebe tilninakherek meke etnogo nen wene ninasuk wakhikhe meke, nit ninayoko 'biluk hinoba la'inani ageikhemo yokhisasuguat.

A'bikaka 12:1

Itithogon higirik oba nen, yabokane lakhigi meke, akhuni nen hutduagaluk pogot oba elalinat hagasusak dek meke kokhogon hagakhunem yigithogon lakhigi. He meke ageikhe thut oba isok 'biluk asu negen mulikin meke ugu, nen husagal 12 meke ukuloak oba kare-kare negen ugu meke lakhigi.

A'bikaka 18:20

Itithogon ekhe korlek, at ageikhe nen, it Allah a'buri meke men yogeisekhe, “Allah nen he, hit hinokoma it o Babel meke ukum inoba 'biluk weagarinakhe iti nen, hit pogot oba meke tha'bokhogonat hinakla arleken akhigik, hit Yesus nen hinayoko 'biluk la'inageisikhe meke inom, hit at ane yogeisegethep meke inom, hit Allah a'buri hinom, hit tha'bokhogonat hinakla arleken akhigik, hagatni o,” iluk isinem holhi.

A'bikaka 21:14

Nen, leget horlakoma leget halek iti, herlaga helekit ebe 12 obaatma, at Domba Eak nen inebe 12 obaat wenago inayoko 'biluk la'isasikhe meke emenogo inetaga holal waganek welaga higi.