Lukas 6:11 - ALLAH ANE WENW KET MEKE WAROGO WOKNINAKHIKHE WENE

¹¹ Itithogon hagakhikhemo, it ap Allah ane holal waganek iteerek meke emenogo men, it Farisi meke emenogo men, inakla aga apik dageiluk nen, “At Yesus nikithogon hagasuok he,” iluk, it-it abok palhe lagoukha.

Lukas 6:11 Iomraidhean Croise

Matius 16:7

Itithogon yogeisasikhemo, it-it wene ekhe dogolik, men isukha, “Roti etnogo ageikhe wolok wageidek iti nen ekhe higi,” iluk isinem

Matius 21:45

iluk yogeisasikhemo, it ap Allah iteerek inougi koktek meke men, it ap Farisi meke men, “Wene oba lisogon ekhe iti, nit ninobasigat yoknisekhe higi,” iluk hutdisukhasik,

Lukas 4:28

it Yahudi meke sembayan egarekma welagoukha meke inasuk holhukhasik nen, inakla aga apik dageisukha.

Lukas 6:10

itithogon yogeisasikhesik, it tha'bokhogonat ileken hisilik lageikhesik nen, ap etnogo men yogokhikhe, “Hiki walokhan,” iluk yogokhikhemo iki walothasinem, arat hano ageikhe.

Lukas 6:12

Itinem, at Yesus sembayan igiluk tom oba dageisikhe. Dageisikhesik yibako-hibako Allah ayoko 'bisi motok werekma o arat wi ageikhe.

Yohanes 11:47

Itithogon yogeisa lagoukhama nen, it ap Allah iteerek inougi koktek men, it ap Farisi meke men, it ap wene Allah hasik erlo pilinekharek meke waisasukhama wagoukhama nen, men yogeisasukha, “At ap iti ebe hutduagaluk elalin meke doalegat hagariogo iti re, nit nen nikithogon hagasuok apegep?

Yohanes 7:1

Wene itithogon arat yogeisasikhesik nen, it ap koktek Yahudi meke nen, Yesus ebe wasuogoluk abok palhe lagoukha iti nen he, at ebe o Yudea usalok nekhe dogou a'it nen, o Galilea eloke etoma nekhe lageikhe.

La'isasikhe 26:11

Itithogon ekhe dogolik, an o akhuni Yahudi meke sembayan egarekma dopok ukiluk, it inetaiken Yesus oba hakotdiluk welagoukha meke here'isoagaluk nane obatnerogon yogeisigik, yi aik ti aik hagarinakhik, hagakhe dogolik, nakla aga apik dageikhe dogolik, it aperek o walegat ilugun-ilugun etoma meke mugusik laga lagagiat,” iluk yogokhikhe.

La'isasikhe 4:15

Huk agoukhama nen, Petrus Yohanes ap etnogo inom, o wene erlo pilinekharekma nen ula'isasukhasik, it-it wene ekhe dogolik, “Ap inebe pere ithi inobasik nikithogon hagarinabuok apegep. It nen hagasusak dek meke iti elalinat hagakhama, akhuni o Yerusalem welageikharek meke tha'bokhogonat inilu ageikha iti nen, nit nen, Itithogon hagakhidek, ninokodek, iluk la'belusak erlok dek aga iti.

La'isasikhe 4:19

Itithogon yogeisasukhama, it Petrus Yohanes ipisak nen, “Allah il oba mothogon hagasusak he, ki. Hit nen, Itithogon hagasusak, iluk egep meke iti hologo hagasusak a? At he, Allah nen, Itithogon hagasusak, ekherek meke iti hologo hagasusak a. Hinakla ebetni. Nit nen, ninileken higik, ninasuk holhik, hagakho meke iti, akhuni aperek yogeisigidek huk asusak erlok dek iti nen yogeisekhe dogogunat o,” iluk yogeisasukha.

La'isasikhe 5:33

Itithogon yogeisasikhemo, it inakla aga dageiluk ap Yesus nen inayoko 'biluk la'isasikhe meke emenogo inasuogoluk hagakhukha.

La'isasikhe 7:54

At Stefanus nen wene itithogon yogeisekhe lageikhemo, it inasuk holhukhasik, inakla aga dageiluk, inaik hunetdiluk ebe wasuogoluk hagakhe lagoukha.

2 Timotius 3:9

It Yanes inom, Yambres inom, korlo hagakhukhama, it aperek nen, “Inetaiken dek,” iluk ekagat hutdisasukha hagat, it iti itithogonat inetaiken dek hagariogei iluk, akhuni tha'bokhogonat nen inobabut ekagat palumo, it inane iti kok asigin dek o.