Lukas 5:29 - ALLAH ANE WENW KET MEKE WAROGO WOKNINAKHIKHE WENE

²⁹ Lageikhesik nen, at aila yesus elokhoma thini kogat isakhikhe. Itithogon isakhikhesikmo, akhuni uang pemerintah hasik kino iluk waganhe lagoukha meke doalegat men, akhuni aperek men, at inom hureklatluk opakimo dapukhogon hipiri nasi lagoukha.

Lukas 5:29 Iomraidhean Croise

Matius 11:19

Meke re, an abat itaklasi agagi etnogo, hipiri inom, anggur eken apusu inom, nilik wagagisikmo, akhuni nen nabok ekhe dogolik, Hipiri inom, anggur eken apusu inom, oba la'buk niliogo yi! It ap pemerintah hasik uang kino iluk waganharek meke inom, weak hagarik nekharek meke inom, inom hunetdakhalok werek yi 'bikhani! iluk iliogei iti, Allah akla motok kagalek dogolik hagakherek iti nen, hanorakhunem inileken halok, Morat, iluk hutdugunat o,” iluk yogeisasikhe.

Matius 5:46

Nen, it akhuni aperek nen, hit inakmuthinakharek meke iti anek hit nen hinakmurinakhe lagap halok he, Allah nen oko wokhisagein nogo? Dek o. Iti hak he, it ap pemerintah meke hasik uang kino iluk natogokharek meke nen inobabut itithogonat hagakharek o.

Matius 9:10

Lageikhesik, at Yesus Matius ipisak at aila ukisikhesik hipiri nuogoluk hurek werekma, it ap uang pemerintah hasik kino iluk waganhe lagoukha meke aperek men, it aperek weak hagarik nekhe lagoukha meke men, inebe doalegat uki agoukhasik, at Yesus ebe inom, agarumi ane waganhe lagoukha meke emenogo inomat opakimo hurek latluk hipiri neke lagoukha.

Matius 9:9

At Yesus o etoma thogotdiluk laga dogolik, ap ageikhe etaga Matius, kantor uang pemerintah hasik kino iluk waganhe lagoukhama hurek werekma, ileken halok, “Noporlik eme o,” iluk yogokhikhemo, melageikhesik oporligat lageikhe.

Markus 2:15

Lageikhesik nen, at Lewi aila Yesus ipisak ukisukhasik akhuni doalegat, it ap uang pemerintah hasik kino iluk waganhe lagoukha meke inebe doalegat inom, it aperek weak hagakhe lagoukha meke inom, Yesus oporlik lagoukhasikmo nogo nen, at Yesus ebe inom, at agarumi ane waganhe lagoukha meke emenogo inom, hipiri nuogoluk hurek lagunem, it inom nuogoluk hurek lagoukhaat.

Lukas 15:1

Itithogon yogeisasikhesik, yabokane iniki ageikhe baga, it ap pemerintah hasik uang kino iluk natogokharek meke men, weak hagakharek meke emenogo men, inebe doalegat Yesus ane inasuk holuogoluk, oba wagoukha.

Yohanes 12:2

Wageikhemo, it akhuni etoma nen arini isakhukhama, he Marta nen hipiri wogeisekhe korlek, Lazarus men, akhuni inayoko 'bisukha meke men, Yesus inom nasukha.

1 Korintus 10:27

Nen, it akhuni aperek inetaiken Allah oba hakotdigidek meke nen hipiri isago nuogoluk hinayoko 'bisinem, hit hinakla nen lausak iluk lagap halok he, yi meke ti meke isago 'bugun meke wokhisekho halok, hinetaiken akin asunogon nen, “Yi an nausak meke a? Dek meke a,” iluk hinok inoba waganhidek nausagat o.