Lukas 5:21 - ALLAH ANE WENW KET MEKE WAROGO WOKNINAKHIKHE WENE

²¹ Itithogon yogokhikhemo, it ap Allah ane holal waganek iteerek meke inom, it ap Farisi meke inom, inakla nen, “Nit akhuni weak hagakhe lago meke iti, it akhuni aperek nen thagalogo degetdisausak nogo? At Allah arligat nen erlok thagalogo degetdisekherek mekeat he, at yi nen Allah akla meanetdiluk etaga weagatdiliogo yi tha apegep,” iluk inakla apasukha.

Lukas 5:21 Iomraidhean Croise

Matius 26:65

it ap Allah iteerek inoe kok etnogo asu li'bilogo la'ekhe dogolik, men yogeisasikhe, “Allah akla meanetdiluk etaga weagatdekhe iti hegep a? Akhuni nen at weak hagakhunem inileken hega meke wene pakhogon uagaluk nenaluk therisik dogogun. At nen Allah akla meanetdiluk etaga weagatdekhe iti arat hinasuk holhep.

Matius 9:3

Itithogon yogokhikhemo it ap Allah ane holal waganek iteerek meke aperek inakla nen he, “Eiye! Ap yi Allah akla meanetdiluk etaga weagatdiliogo,” iluk apasukha.

Lukas 3:8

Halok he, hinakla ebetdiluk, weak hagakhe lagap meke here'isalok hinobabut eberogonat hebelaga iluk ekagat asuak nen mothogon hagakhe dogono o. Nen, hinakla nen, Abraham iti nit ninopase, iluk apugup o. At Allah nen Abraham a'buri negen hagatlasuagaluk helekit yi meke erlok hagasusagat o, iluk yokhisigi iti.

Lukas 5:17

Iniki ageikhe baga, at Yesus wene yakulisekho werekma, it ap Farisi meke inom, ap Allah ane holal waganek meke yakulisekhe lagoukha meke inom, inai o Galilea eloke nen, Yudea nen, kota Yerusalem nen, oba wagoukhasik inasuk holek hurek werekma, ninopase Etagapogot nen akhuni u weak meke Yesus nen hagarinakhe dogoagaluk obatne wogokhe korlek hano hagarinakhe lageikhe.

Lukas 5:22

Itithogon apasukhama, at Yesus nen, it inakla apasukha meke ekagat hutdisikhesik nen, “Hit hinakla itithogon apekhe lagap iti nenaluk.

Lukas 7:49

Itithogon yogokhikhemo, it akhuni Yesus inom hurek dogolik hipiri nasukha meke emenogo, it-it yogeisekhe dogolik, men isukha, “Akhuni weak hagariogei meke thagalogo degetdisiliogo yi, ebe tha hak nen degetdisiliogo apegep,” iluk isi korlek

Yohanes 10:33

it nen, men yogokhukha, “Hat hano hagakhe lagan iti baga helekit oba hasuogoluk hagakhe lago 'buk. Hat hebe akhuni mekeat he, Allah etaga weagarogo, men ekhe lagan, An Allah nipisak tak-tak, iluk ekhe lagan iti nenat hasuogoluk hagakhe lago o,” iluk yogokhe lagoukhama,

Roma 8:33

Allah nen ninebe wenago wokninakhikhe meke, wene ninoba meke korogo wokhekherethek nen, at ane pakhogon, “It inoba wene motok dek,” iluk ekherethekma, yabokane wene tha nen ninoba 'busak nogo. Erlok dek o.